E fundit!

17:43 Aktualitet

I moshuari në Pogradec dhunon bashkëshorten/ Gruaja niset me helikopter drejt spitalit të Traumës

Një ngjarje e rëndë raportohet se ka ndodhur ditën e sotme...

Kafe, kafe, kafe, por a është e shëndetshme?

29 Janar 2019, 10:26, Lifestyle CNA

Po, qetësohuni dhe përfundojeni filxhanin që keni para, pasi kështu mund të përmirësoni shëndetin tuaj dhe do të jetoni më gjatë…thotë një hulumtim i fundit.

Në studim u morën 20.000 njerëz në SH.B.A që konsumonin së paku katër filxhanë me kafe çdo ditë. Rezultati: 64% më pak rrezik për vdekje të menjëhershme dhe të parakohshme krahasuar me ata që nuk konsumojnë kurrë kafe ose konsumojnë shumë rrallë.

Reduktimi i rrezikut ishte më i pranishëm tek moshat rreth të dyzetave, duke këshilluar kështu që kafeja mund të jetë më e dobishme me rritjen e moshës.

Ndër të tjera, ajo zvogëlon rrezikun nga shumë sëmundje, përfshirë këtu diabetin e tipit 2, sëmundjen e mëlçisë, Alzheimer-in dhe sëmundjet e lëkurës.

?Kafeja është e pasur me antioksidantë,? tha Joe DeRupo, përfaqësues i Shoqatës Kombëtare të Kafesë në SH.B.A. ?Shumë prej tyre janë antioksidantë të natyrshëm që gjenden në kafe, ndërsa të tjerët krijohen gjatë procesit të pjekjes.?

Disa përbërës të tjerë ?kanë lidhje me ndjeshmërinë ndaj insulinës, funksionimin e mëlçisë,? tha një profesor i asociuar i mjekësisë në Keck School.

Megjithatë këshillohet që gratë shtatzënë të tregojnë kujdes me sasinë ? një filxhan në ditë nuk është i rrezikshëm.

Në një tjetër studim të një viti më parë, ekspertët e Baker Heart dhe Diabetes Institute në Melbourne shqyrtuan një sërë studimesh lidhur me efektet e kafeinës në përmirësimin e aritmisë (kur rrahjet e zemrës janë shumë të shpeshta, të ngadalta ose në ritme të pabarabarta).

Sipas tyre, kafeina minimizon efektet e adensosinës, një substancë kimike që rrit rrezikun ndaj këtyre ritmeve anormale.

Në një tjetër vëzhgim që përfshin 200.000 njerëz, nga ku u bazuan ekspertët në Melbourne, thuhet se rreziku nga rrahjet e zemrës në mënyrë anormale është reduktuar me 6%. Ndërsa në një tjetër rast, ku u morën në shqyrtim 115.993 njerëz, rreziku u ul me 13%.

Në përfundimin: tri gota kafe në ditë janë të sigurta për pacientët që s?i kanë dhe shumë mirë punët me zemrën (natyrisht, duhet të konsultohen më parë me mjekun e tyre për çdo detaj tjetër), por edhe për njerëzit që nuk vuajnë nga këto probleme; do të jeni më të sigurt.