E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shpimet për naftë në Zagori/ Kush janë personalitetet që firmosën kundër

25 Janar 2019, 13:04, Aktualitet CNA

Forumi për mbrojtjen e Trashëgimisë Kulturore ka zhvilluar dje një mbledhje me Akademinë e Shkencave për rrezikun e shpimeve për naftë e gaz në zonën e mbrojtur të Zagorisë nga kompania SHELL.

Në këtë takim kanë marrë pjesë intelektualë, gazetarë dhe aktivistë vendore.

Në këtë mbledhje ata vendosën në mënyrë unanime disa kërkesa.

Ne deklaratë thuhet se pjesëmarrësit kërkojnë ndërhyrjen e menjëhershme të Këshillit Të Ministrave dhe institucioneve të tjera përgjegjës për ta ndaluar këtë akt të rëndë kombëtar.

?Forumi për Mbrojtjen e Trashëgimisë Kulturore inicioi sot në ambjentet e Akademisë së Shkencave një tryezë diskutimi me pjesëmarrjen e intelektualëve, zërave publikë dhe aktivistëve vendorë, me shqetësimin e përbashkët për mbrojtjen e Parkut Kombëtar të Zagorisë. Forumi falenderon të gjithë pjesëmarrësit për prezencën dhe propozimet e ngritura në lidhje me rrezikun që mund t?i kanoset trashëgimisë dhe potencialit të zhvillimit turistik të kësaj zone nga kërkimet për naftë nga një kompani e huaj.

Pjesëmarrësit në këtë takim kërkuan ndërhyrjen e Këshillit të Ministrave dhe institucioneve të tjera përgjegjëse për të ndalur çdo marrëveshje kontraktuale apo projekt të mundshëm, që mund të dëmtoje potencialet e zhvillimit të kësaj zone.

Më konkretisht:

Zona e Zagorisë është shpallur në vitin 2018 nga Këshilli i Ministrave ?Park kombëtar?, për vlerat e veçanta natyrore që mbart, si dhe ?Zonë me përparësi për zhvillimin e turizmit?, për shkak të vlerave të trashëgimisë kulturore dhe natyrore. Operacionet e kërkimit të naftës dhe cdo aktivitet tjetër industrial në këtë zonë përbën rrezikimin e këtyre vlerave të mbrojtura. Është e nevojshme që të zbatohen këto detyrime që rrjedhin nga statuti i vecantë i kësaj zone përpara se të merret cdo hap i mëtejshëm për kërkime apo investime industriale.

Zona e Zagorisë është një nga rajonet më të populluara në Shqipëri me trashëgiminë bizantine (kisha, ura dhe site arkeologjike), të cilat përbëjnë një potencial të mëtejshëm për zhvillimin e qëndrueshëm turistik të zonës me interes për ekonominë lokale dhe në respekt të mbrojtjes të pasurisë natyrore kombëtare. Eksperienca e deritanishme e investimeve të tilla në industrinë e naftës (si ai në zonën e Delvinës) kanë dëmtuar rëndë burimet natyrore të zonës dhe nuk kanë sjellë asnjë përfitim ekonomik si për buxhetin publik ashtu edhe për banorët.

Në respekt të të gjitha konventave ndërkombëtare dhe legjislacionit në fuqi për konsultimet publike, dëgjesat që po zhvillohen me banorët e zonës së Zagorisë, duhet të sigurojnë të gjitha elementët e nevojshëm të njoftimit në kohë të banorëve, transparences të informacionit dhe kostove të projektit si dhe të organizohen në vende publike. U kërkohet gjithashtu të zgjedhurve vendore si dhe qytetarëve që të jenë sa më të ndërgjegjësuar dhe të angazhuar në mbrojtjen e vlerave të zonës së tyre.

Pjesëmarrësit i bëjnë thirrje Këshillit të Ministrave, vecanërisht ministrisë së Turizmit dhe Mjedisit, Ministrisë së Infrastrukturës dhe Energjisë, ministrisë së Kulturës dhe Agjencisë së Zonave të Mbrojtura, që të rishikojnë termat e kontratës dhe cdo marrëveshje të mëtejshme që kërcënon zonën e mbrojtur të Parkut Kombëtar të Zagorisë.

Pjesëmarrës në takim:

Neritan Ceka – Arkeolog

Apollon Bace – Arkeolog

Besnik Aliaj – Urbanist

Vasil S. Tole ? Studiues

Arben Bicoku – Arkitekt

Gjergj Bojaxhi – Aktivist

Afrim Krasniqi – Kërkues

Mero Baze – Gazetar

Anila Basha – Gazetar

Erjon Tase – Gazetar

Dritan Shutina ? Urbanist