E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Juristi plas “bombën”/ Donika Prela e përfshirë në pastrim parash?

25 Janar 2019, 11:04, Aktualitet CNA

Juristi Çlirim Gjata, njëkohësisht Sekretari për Çeshtjet Ligjore në PD, në një deklaratë për mediat paraditen e sotme, ka hedhur akuza të forta në drejtim të drejtueses së Komanduar të Prokurorisë për Krimet e Rënda, Donika Prela.

Duke iu drejtuar Komisionit të Vetingut, juristi Gjata kërkoi që të ruajë standartin në rastin e Donika Prelës.

Gjata publikoi para medias, të gjitha shkeljet që janë vërejtuar në deklarimin e pasurisë së zonjës Prela, duke filluar nga apartamenti që ajo ka blerë së fundmi prej administratorit të një firme që po hetohet nga institucioni i drejtuar prej saj.

?Kemi dosjen e zonjës Donika Prela, që është dorëzuar në Veting. Janë disa raste që duhen hetuar me shumë seriozitet, që komisioni të mos bjerë .

Le të fillojmë me rastin e një apartamenti, që zonja Prela ka blerë tek një firmë, ku administratori i saj është nën hetim nga Prokuroria e Krimeve të Rënda, që ajo drejton.

Çmimi i blerjes së këtij apartamenti, është ulur ndjeshëm. Pse? Pse për këtë prokurore?

Pa folur për raste të tjera për blerje apartamenti në Durrës për 1 milion lekë dhe shitje për 4 milionë lekë? A hetohet këtu për pastrim parash apo kontrata fiktive??-u shpreh juristi Gjata.

Më tej, ai risolli në vëmendje cështjen e bashkëshortit të Donika Prelës, i cili ka hapur një process gjyqësor, lidhur me kompaninë ku ka punuar.

?Më e rëndësishme është procesi gjyqësor që bashkëshorti i saj ka hapur me kompaninë ku ka punuar , ?Bruçi?, për mospagim sigurimesh.

Por padia është hapur tani, pas 7 vjetësh, në një kohë kur Kodi Penal s?e pranon, se e drejta e kësja padie është parashkruar.

Po si dreqin, nuk e ditka, kjo zonjë, që është e parashkruar?!

Kaq trashë është gatuar kjo, sa duket se ka një mbështetje nga organet e Vetingut.

Ndaj, institucioni i Vetingut duhet të heqë dorë nga standarti i dyfishtë”.-deklaroi Çlirim Gjata./CNA.al