web counter
LEXO PA REKLAMA!

SHKARKO APP

App Store
Google Play

E fundit!

x

Dyfishimi i shërbimeve dentare/ Reagon Autoriteti i Konkurrencës

25 Janar 2019, 10:33, Aktualitet CNA

Pas bërjes publike të vendimit të Urdhrit të Stomatologëve, që bënte me dije dyfishimin e shërbimevedentare ka ardhur edhe reagimi  i Autoritetit të Konkurrencës.

Në një njoftim për mediat, ky autoritet bën me dije se do të hulumtojë deri në detaje nëse ku vendim ka shkelje.

Më tej, në njoftimin e Autoritetit të Konkurrencës theksohet se ky autoritet ka s i detyrë garantimin e një konkurrence të pastër të çdo projekt-akti normativ.

?Autoriteti i Konkurrencës ka marrë dijeni në lidhje me njoftimin e bërë publik nga Asambleja Kombëtare e Urdhrit të Stomatologut për përcaktimin e listës së çmimeve dysheme për shërbimet në klinikat dentare miratuar nga Asambleja Kombëtare dhe Këshilli Kombëtar.

Sipas listës së publikuar, Urdhri i Stomatologut ka vendosur çmime dysheme për një kategori të caktuar shërbimesh dentare për: Terapinë, Ortopedinë, Kirurgjinë dhe Ortodoncinë.

Autoriteti i Konkurrencës, i cili ka si mision mbrojtjen e konkurrencës së lirë dhe efektive në treg, në bazë të nenit 69 të ligjit nr. 9121/2003 ?Për mbrojtjen e Konkurrencës?, i ndryshuar vlerëson shkallën e kufizimit ose të pengimit të konkurrencës të çdo projekt-akti normativ që, në mënyrë të veçantë, ka të bëjë me: a) kufizimet sasiore për hyrjen në treg dhe tregtimin; b) vendosjen e të drejtave ekskluzive ose të të drejtave të veçanta, në zona të caktuara, për ndërmarrje ose për produkte të caktuara; c) imponimin e praktikave të njëjta në çmime dhe kushtet e shitjes.

Për sa më sipër Autoriteti i Konkurrencës do të vlerësojë këtë akt normativ dhe do të shprehet me vendimmarrje nga ana e Komisionit të Konkurrencës nëse ky akt bie në kundërshtim ligjin nr. 9121/2003.?-thuhet në njoftim./CNA.al





Lajmet e fundit nga