E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

U gjet i murosur në Itali/ Flasin familjarët e shqiptarit

25 Janar 2019, 10:12, Aktualitet CNA

Zbulimi tronditës i vdekjes së një emigranti shqiptar në Itali ka nxitur të afërmit e tij të pronocohen, për të hedhur dritë mbi të vërtetën e ngjarjes.

Të afërmit e Astrit Lamajt janë shprehur se vlonjati kishte humbur kontaktet me familjen që prej 5 vitesh dhe se askush nuk ishte në dijeni për vendodhjen apo veprimet e tij.

Astrit Lamaj në vitin 2013 ishte shpallur i humbur nga qyteti i Xhenovës në Itali, ku dhe jetonte, ndërsa trupi i tij i pajetë u gjet i murosur në një vilë në Milano.

Lamaj ishte banor i fshatit Tre Vllazër, në Novoselë.

Astrit Lamaj ishte larguar nga fshati prej 6 vitesh drejt emigrimit për një jetë më të mirë. Askush nuk dinte asgje për të, derisa ekspertiza e identifikoi.

Të afërmit e viktimës në një intervistë për ?Panorama? janë shprehur se Astriti ishte një djalë i qetë dhe askush nuk e besonte se do të përfundonte në mënyrë kaq tragjike.

Nelo Meminaj, një nga të afërmit e 48-vjeçarit, shprehet se askush nuk e mendonte se fati i Astrit Lamajt do të ishte i tillë, duke treguar qartë tronditjen. Ai tregon se Astriti ishte një djalë i qetë dhe askush nuk e besonte se do të përfundonte në mënyrë kaq tragjike jeta e tij. Pas identifikimit, tashmë pritet që të kryhen procedurat përkatëse për kthimin e trupit të 48-vjeçarit pranë familjarëve.

Intervista:

?Kur është larguar Astrit Lamaj nga Shqipëria dhe fshati?

Rreth 6 vite më parë është larguar për çështje ekonomie në Itali. Më ka marrë mua 250 mijë lekë dhe tha se Shqipëria nuk bëhet dhe iku në emigrim.

Kur i ka humbur kontaktet me të afërmit dhe familjen e tij?

Rreth një vit pasi është larguar nga fshati, humbi çdo lloj kontakti me familjen. Ndërsa tani, prej pesë vitesh familja e kërkonte, por askush nuk mendonte në një fund të tillë tragjik të tij. Astriti ishte djalë i mrekullueshëm.

Si e morët vesh lajmin?

Nga mediat italiane dhe gjithçka konfirmon se është ai. Askush këtu në fshat nuk e beson diçka të tillë. Unë e kam edhe si nip, se kështu i thërrisja dhe ishte djalë i mrekullueshëm. Jemi të tronditur nga kjo gjendje.

Si e priti lajmin familja e tij?

Ka hapur dyert e mortit. Priten vizitat atje dhe është familje e mrekullueshme. Trupi nuk dihet se kur vjen sepse do bëhen ato ekspertizat, ato gjërat. Ne jemi totalisht të shqetësuar për këtë fakt. Kjo është tragjedia e katërt që ka prekur këtë familje. Që nga i ati që i ra infarkt, i vëllai u përmbys me zetor dhe ndërroi jetë kur ishte vetëm 18 vjeç dhe e motra u përfshi në një aksident te mbikalimi i Panajasë, ku mbeti e vdekur. Kjo është tragjedia tjetër që prek këtë familje.

Si u gjet trupi ?

Trupi i Astrit Lamajt u gjet i murosur në një vilë luksoze në Milano, më 15 janar. Sipas ekspertizës, bëhet fjalë për skeletin e Astrit Lamajt, i datëlindjes 1971. Shqiptari rezultonte i zhdukur e pa gjurmë 5 vite më parë në Xhenoa. Zbulimi erdhi pas konstatimit të skeletit në një vilë të shekullit të 18-të në Milano, ndërsa po kryhej restaurimi i saj. Pas ekzaminimeve të Mjekësisë Ligjore, rezultoi se bëhej fjalë për Astrit Lamajn, i denoncuar i zhdukur në janar 2013. Policia italiane thotë se shqiptari rezulton si person me precedentë penalë në fushën e trafikimit të lëndëve narkotike. Ende nuk është përcaktuar shkaku i vdekjes, por hetuesit thonë se ajo ka qenë e dhunshme. Gjithashtu, po hetohet edhe shkaku që çoi në vrasjen e emigrantit shqiptar dhe gjetjen e autorëve?-është shprehur ai.