E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Rriten çmimet te dentisti/ “Shpërthen” gazetari: Vendim kriminal, t’ju vihen prangat

24 Janar 2019, 09:37, Aktualitet CNA

Prej fillimit të 2019-s, klinikat dentare në vend janë të detyruara që të bazohen në listën e re me çmimet dysheme për shërbimet bazë që ofrojnë. Për një mbushje dhëmbi të gradës së dytë tani me çmimin dysheme që ka vendosur Urdhri i Stomatologut, pacientët duhet të paguajnë 4,000 lekë, ose 60% më shtrenjtë.

Ndërkohë, në lidhje me këtë ka reaguar edhe gazetari i Ekonomisë, Klodian Tomorri, i cili e cilëson këtë si nje vendim kriminal nga ana e Kartelit të Stomatologëve.

Në një postim në faqen e tij në rrjetet sociale, gazetari Tomorri shkruan se ?Permes nje vendimi te paligjshem e madje edhe kriminal, Urdhri i Stomatologeve ka fiksuar cmimet e sherbimeve dentare ne te gjithe vendin.

Vendimi i marre nga Ansambleja Kombetare dhe Keshilli Kombetar i Stomatologeve percakton cmimet per cdo sherbim dentar, te cilat sipas tij jane te detyrueshme per cdo dentist ne territorin e Republikes se Shqiperise. Cmenduria arrin deri aty sa qe vendimi eshte publikuar ne faqen zyrtare te Urdhrit me firmen e presidentit, ish kandidat per deputet i Partise Socialiste.?.

Më tej, gazetari thekson se Urdhri i Stomatologeve eshte nje ent publik, qe funksionon ne baze te ligjit nr 127 i vitit 2014. Ne asnje nen te ligjit, nuk i jepet tager urdhrit te fiksoje cmimet e sherbimeve dentare. Dhe nuk ka se si ti jepet sepse caktimi i cmimeve eshte i jashteligjshem.

?Ne vendimin e ri te Urdherit, cmimet e sherbimeve dentare jane rritur te gjitha deri ne dy here. Por nuk eshte ky problemi. Ky vendim eshte forma me e rende e shkeljes se konkurrences, karteli. Ne kemi nje Ligj per Mbrojtjen e Konkurrences, i cili ne nenin 4 thote se marreveshjet kartel jane kategorikisht te ndaluara.?-shkruan gazetari Klodian Tomorri.

Gjithashtu ai deklaron se nëse ky vendim do të ishte marrë në SHBA, të gjithë anëtarët e Asamblesë Kombëtare dhe Këshillit Kombëtar të Stomatologëve do ishin në pranga.

?Ne fakt ligji, nuk eshte aq i forte sa duhet. Ne rastin e karteleve, ligji parashikon gjobe deri ne 10 per qind e xhiros. Por ne vendet e zhvilluara, perfshire Shtetet e Bashkuara, kartelet jane veper penale.

Nese ky vendim do te ishte marre ne Shtetet e Bashkuara, te gjithe antaret e Ansamblese Kombetare dhe Keshillit Kombetar te Stomatologeve qe kane marre ate vendim, sot do ishin te gjithe ne pranga. Te neveritshem.?-përfundon postimin e tij Klodian Tomorri./ CNA.al