web counter
LEXO PA REKLAMA!

SHKARKO APP

App Store
Google Play

E fundit!

x

Qeveri dhe opozitë teknike/ Shqiptarët pa përfaqësim politik

24 Janar 2019, 08:55, Aktualitet CNA

Medalja ka dy anë, por së fundi në politikën shqiptare të dyja anët duket të jenë njësoj.

Më shpresën se shqiptarët do gjejnë përfaqësim politik, pra elitë dhe politikanë që janë zëri dhe e vërteta e tyre në politikë, janë përballë monedhës që të dyja anët e saj i ka njësoj.

Edi Rama së fundi po qeveris me ministra teknikë. E ka mbushur qeverinë me zonja, si në kohën kur ishte kryetar bashkie, në emër të respektimit gjinor, ka humbur përfaqësimin politik duke pasur një qeveri me profil të ulët politik, ku Erjon Braçe dhe Pandeli Majko apo Blendi Klosi nuk mjaftojnë për socialistët. Nuk kanë votuar dhe luftuar politikisht që PS të kishte vetëm 3 ministra dhe pjesa tjetër të ishte anonime dhe jo politike.

Kështu po ndodh edhe me përfaqësimin e opozitës. Lulzim Basha së fundi përfundoi proçesin e riorganizimit dhe zgjodhi kryesinë e re të PD. Por në atë kryesi mungon përfaqësimi i vërtetë i së djathtës, mungojnë ish-pronarët, të përndjekurit, intelektualet, apo edhe elita e PD-së.

Tomor Alizoti si ish i përndjekur, apo Jorida Tabaku si Tironse e vjetër, bashkë me Florjon Mimën nuk mjaftojnë për të përfaqësuar PD-në dhe demokratët. Ata nuk kanë luftuar që kjo forcë të drejtohet nga burra të dyshimtë deri në gra që kurrsesi nuk mund të jenë elita e zonjave të nderuara demokrate, sepse nuk janë votuar dhe futen si lemoshë e kuotave gjinore.

Pa folur për anonimët e mbledhur dje dhe sot që në fakt janë përgjegjës për dështimin e zgjedhjeve të 2017-ës, që ishte një leksion edhe ndaj ekipit anonim e pa vlera të Lulzim Bashës.

Shqiptarët sot janë përballë faktit se dy forcat e mëdha politike nuk i përfaqësojnë, anonimët e tyre të mbuluar nga 2 apo 3 emra me vlerë nuk mund të justifikojnë kontributin dhe vlerat e demokratëve. Prandaj dhe palët shikohen si anë të njëjta të të njëtës monedhe, e cila nuk ka asnjë vlerë./CNA.al





Lajmet e fundit nga