web counter
LEXO PA REKLAMA!

SHKARKO APP

App Store
Google Play

“Toyota Yaris”/ Balla kryqëzon Bashën

21 Janar 2019, 12:32, Aktualitet CNA

Pas mbarimit të seancës gjyqësore, ku Gjykata e Tiranës shpalli fajtor kreun e PD-së, Lulzim Basha për shpifje, kanë ardhur reagimet e të dyja palëve.

Kreu i grupit parlamentar i Partisë Socialiste, Taulant Balla tha se shpallja fajtori për shpifje e Bashës tregoi se drejtësia po funksionon.

?Drejtësia veproi si duhet, kreu i PD u dënua për shpifje. Ky është një vendim që tregon se drejtësia është në rrugën e duhur. Basha tashmë është një i dënuar që duhet të paguajë gjobën për shpifje?-u shpreh deputeti i PS-së.

Ndërsa, avokati i Lulzim Bashës njëkohësisht Sekretari i Përgjithshëm i PD-së, Gazmend Bardhi e cilësoi këtë vendim si qesharak.

?Nuk komentoj vendimin e asnjë gjykate të arsyetuar, por ky është një vendim qesharak, pasi është asgjësuar organin i Prokurorisë.?-tha ai.

Më tej, Bardhi u shpreh se asnjë qytetar nuk është habitur nga ky vendim dhe se sipas tij tani duket qartë që drejtësia është e kapur.

?Besoj vendimi i sotëm nuk ka cuditur asnjë qytetar, qëllimi i qeverisë është kapja e drejtësisë dhe këtë e  tregoi gjykata me vendimin qesharak, që të bën të qeshësh.

Gjykata ka asgjësuar organin e Prokurorisë, me policinë e Taulant Ballës.

Mjafton që Balla të thotë që s?ka lidhje, s?ka rëndësi përfundimi i Prokurorisë së Krimeve të Rënda.?-tha Gazmend Bardhi.

Rikujtojmë se deputeti i PS hodhi në gjyq për shpifje kryedemokratin, pas akuzave që ky i fundit hodhi në lidhje me 3.4 milionë eurot e gjetura në ?Toyota Yaris?.

Basha pati hedhur akuza se pastrimi i asaj shume ishte porositur nga Balla/CNA.al





Lajmet e fundit nga