E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Rikthehet në Vetting/ Pasuria rrezikon gjyqtarin Edmond Islamaj?

21 Janar 2019, 15:59, Aktualitet CNA

Komisioni i Pavarur i Kualifikimit në qershor të 2018-ës, rikonfirmoi në detyrë, gjyqtarin e Gjykatës së Lartë, Edmond Islamaj.

Sipas hetimit të zhvilluar nga trupa gjykuese, e përbërë nga Suela Zhegu, Pamela Qirko dhe Genta Tafa, Islamaj doli i pastër në tre kriteret e përcaktuara me ligj.

Pas vendimit Islamaj, u shpreh se përgjegjshmëria shpërblehet.

Por, shpërblimi nuk i ka zgjatur shumë Islamajt. Pasi rreth një muaj vonë, Komisioneri Publik, ankimoi në Kolegjin e Posaçëm të Apelimit, vendimin për kthimin në detyrë të Islamajt.

Kolegji i Posaçëm i Apelimit zhvilloi me datë 15 janar 2019, seancën gjyqësore për çështjen (JR) nr. 9/2018, datë 19.07.2018, që i përket ankimit të paraqitur nga Komisioneri Publik kundër vendimit nr. 22, datë 07.06.2018, të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit Edmond Islamaj.

Në seancën e datës 15 janar 2019, trupi gjykues vendosi të shtyjë seancën me datë 22.01.2019, , për të kërkuar të dhëna nga sistemi TIMS për hyrje-daljet nga territori i Shqipërisë për subjektin e rivlerësimit Edmond Islamaj dhe personave të lidhur me të, për periudhën 1 janar 2004 deri në 1 janar 2008, për të bërë pjesë të analizës financiare edhe shpenzimet e këtyre udhëtimeve.

Fillimisht KPA ka kërkuar që të hetohet se si sipërfaqja është kthyer nga pronë shtetërore tek një individ privat i cili më pas në 2015 ja ka shitur z. Islamaj për 1 euro m2.

Gjithashtu janë kërkuar hetime edhe mbi pretendimin e gjyqtarit për të ardhura në vlerën e 700 mijë lekëve të krijuara nga shitja e dy automjeteve që ai ka patur më parë në përdorim si Opel Corsa dhe një Mercedez Benz.

Ndër të tjera Kolegji i Posaçëm iApelimit vendosi të hetojë edhe tre prona të cilat disponohen nga bashkëjetuesja e gjyqtarit Edmond Islamaj, Sonila Toska.

Verifikimi i pasurisë nga KPK

Nga verifikimi i pasurisë ka rezultuar se Islamaj ka apartament banimi me sipërfaqe 81.57 m2 në Durrës, tokë arë 1000 m2 në Karpen, Kavajë, e blerë në vitin 2015. Ai gjithashtu ka një llogari bankare që prej vitit 2000, fillimisht me vlerë 5 mijë euro, ndërsa posedon edhe një llogari bankare të krijuar në vitin 2016 me gjendje 20 mijë euro.

Përpos këtyre, Islamaj rezulton se ka një autoveturë të vitit 2008, të blerë për shumën e 3 mijë eurove. Gjithashtu gjyqtari ka një depozitë të hapur në 2006-ën, me shumën e 12 mijë eurove.

Ndërkohë në pronësi të bashkëjetueses së tij janë gjetur dy garsoniere, në pronësi të pritshme, të përfituara nga pasuritë e babait të saj.

Islamaj ka një karrierë të gjatë në gjyqësorin shqiptar dhe para se të emërohej në Gjykatën e Lartë, ka mbajtur poste të ndryshme, përfshirë gjykatës i Shkallës së Parë, kryetar gjykate, kryeinspektor në Këshillin e Lartë të Drejtësisë, anëtar i Këshillit të Lartë të Drejtësisë, si dhe gjykatës Apeli./CNA.al

Deklarata e pasurisë për vitin 2003

Deklarata e pasurisë për vitin 2004

Deklarata e pasurisë për vitin 2005

Deklarata e pasurisë për vitin 2006

Deklarata e pasurisë për vitin 2007

Deklarata e pasurisë për vitin 2008

Deklarata e pasurisë për vitin 2009

Deklarata e pasurisë për vitin 2010

Deklarata e pasurisë për vitin 2011

Deklarata e pasurisë për vitin 2012

Deklarata e pasurisë për vitin 2013

Deklarata e pasurisë për vitin 2014