web counter
LEXO PA REKLAMA!

SHKARKO APP

App Store
Google Play

E fundit!

x

Salianji, lideri që i duhet PD–së

21 Janar 2019, 15:04, Aktualitet CNA

Sot në mesditë, në mënyrë jo të papritur deputeti demokrat Ervin Salianji ish-sekretari i aksionit qytetar, ka dhënë dorëheqjen nga posti i vetëm që ai kishte si Sekretar i Grupit Parlamentar të PD ?së.

Salianji deri të shtunën ishte sekretar për aksionin qytetar, anëtari i kryesisë së PD-së dhe sekretar i Grupit Parlamentar.

Por, sot pas humbjes me një votë në kryesi dhe pas moslejimit nga Lulzim Basha për të rikandiduar apo shkrirjes së postit që ai mbante, për të cilin në fakt duhet thënë se e ka bërë më mirë se askush tjetër, Salianji dha dorëheqjen edhe nga Sekretari i Grupit Parlamentar.

Përtej  qëndrimeve të vazhdueshme kritike tona ndaj mënyrës politike të sjelljes së Ervin Salianjit dhe jo vetëm tij,  por të disa personazheve që personifikonin Lulzim Bashën në PD, akti i sotëm  i tij, tregon se ai vërtet ka një maturi të thellë politike dhe është lideri  që i duhet Partisë Demokratike.

Duket të jetë i përgjegjshëm dhe se e kupton mjaft mirë politikën.

Në momentin që ai humbet edhe ndoshta padrejtësisht ai jep dorëheqjen.  Ndërsa shumë  të tjerë në  PD, përfshirë këtu edhe Lulzim Bashën nuk kanë dhënë kurrë dorëheqje.

Qëndrimi ose jo i Salianjit si Sekretar grupi mund të mos ishte  problematik, pasi ai nuk ka ndonjë  përgjegjësi të madhe sa Lulzim Basha për zgjedhjet e 2017 ?ës, as për  për zgjedhjet e 2015 ?ës, apo  humbjet që mund ta presin PD ?në.

Ai ka qenë një djalë i ri aktiv që ka kryer shumë mirë detyrën e tij.

Ndërsa sot, ai veproi me dorëheqje, ndoshta duke u rebeluar me kryetarin, i cili nuk dha dorëheqje apo duke u rebeluar ndaj shumicës së sekretarëve që u zgjodhën në kryesi dhe janë anëtarë të saj.

Ndërsa Salianji një nga njerëzit më aktiv, nuk është atje. Humbi për një votë, ndërsa në kryesi janë përgjegjësit kryesorë për humbjen e PD ?së, në vitin 2017.

Janë emra si  Fatbardh Kadilli, Enno Bozdo dhe shumë të tjerë, pasi kryesia nga 15 emra që zgjodhi, 12  janë ish-anëtarë kryesie që janë përgjegjës për humbjen  e 2017 ?ës. Dhe në qoftë se ka njeri që ka më pak përgjegjësi ky është Ervin Salianji.

Nga ana tjetër,  mund të thuhet se dorëheqja e tij është një akt i fortë mesazhi për PD ?ën dhe vetë Lulzim Bashën.

Sepse, jo vetëm është larguar nga detyra, por nuk ka pranuar të përulet përballë refuzimit apo mohimit që i është bërë të drejtës së tij për të kandiduar në poste. Pra, për mungesën e një gare të vërtetë.

Dhe sot jemi përballë faktit se një deputet, brenda  PD ?së, jep dorëheqjen nga postet që mban dhe ?zhvishet?,  nga të gjitha detyrat, pavarësisht se ai do të  mbajë një post  në Parlament si përfaqësues i PD ?së. Shumë të tjerë nuk e kanë bërë këtë,  por vazhdojnë të jenë të gjithë  nëpër detyra dhe të kërkojnë sa më shumë nga PD-ja.

Për më tepër dorëheqja edhe nga posti i deputetit do ta bënte Ervin Salianji liderin e vërtetë të PD ?së.  Një dorëheqje e tillë do të tregonte se sa vlerë dhe peshë ka. Gjithashtu do të tregonte se në PD nuk është vetëm për poste por mund të rrijë dhe si ushtar i thjeshtë

Pas Sali Berishës, i vetmi njeri  që jep dorëheqje për humbje është vetëm Ervin Salianji në PD, i cili që nga ky moment, është lideri që i duhet PD-së./CNA.al

 

 

 





Lajmet e fundit nga