web counter
LEXO PA REKLAMA!

SHKARKO APP

App Store
Google Play

Emocionuese: Silva Gunbardhi gjest human për fëmijën e gjetur në kazanin e plehrave

21 Janar 2019, 11:28, Lifestyle CNA

Këngëtarja shumë e njohur dhe e dashur për publikun, Silva Gunbardhi, ka rrëfyer së fundmi një histori prekëse për një fëmije të braktisur, të cilit i kishte dhënë pa ngurruar ndihmën e saj.

Gjatë intervistës në studion e “Why Not” asaj iu kërkua të tregonte diçka më shumë në lidhje me bamirësitë që nuk preferon t’i bëjë publike dhe Silva ka treguar dy raste shumë prekëse.

“Djali im lindi në muajin e tetë dhe për këtë arsye, u detyruan mjekët ta mbanin në reanimacion sepse duhet ta mbanin në vëzhgim derisa ti zhvilloheshin tamam mushkëritë. Aty ngjitur ishte një fëmijë që e kishin braktisur prindërit. Gjithmonë Dalvit, ia vendosja qumështin te koka që nëse nuk isha unë aty, t’ia jepte infermierja. Një ditë nuk isha aty dhe më thotë infermierja me gjysmë zëri: “Silva, ta marr pak këtë qumështin e djalit tënd sepse nuk na ka ardhur ende furnizimi në spital.” Unë i thashë, të lutem merre komplet kutinë dhe dërgova Dafin ti blejë pampers, rroba, qumësht, i bleva dhe dy lodra.

Rasti i dytë ishte fëmija që hodhën tek kazani i plehrave, një vajzë që mbijetoi. E gjetën ata që hapën kazanët. Sapo mora vesh për atë vajzë, shkova direkt tek reanimacioni dhe asaj i bleva cdo gjë të nevojshme për një beb”, ka rrëfyer këngëtarja.





Lajmet e fundit nga