web counter
LEXO PA REKLAMA!

SHKARKO APP

App Store
Google Play

Kur Alizoti akuzonte Lulzim Bashën

20 Janar 2019, 14:21, Aktualitet CNA

Dje, është mbajtur Këshilli Kombëtar i PD, ku u zgjodhën strukturat drejtuese.

Tomor Alizoti i njohur si një nga kritikët e Lulzim Bashës ishte një prej emrave më të votuar në kryesinë e PD.

Ai shpesh e ka akuzuar Lulzim Bashën se po shkatërron Partinë Demokratike.

Kujtojmë, se në korrik të vitit 2017, Tomor Alizoti, dha dorëheqjen nga drejtimi i Departamentit të të Përndjekurve Politikë në PD, si dhe nga ajo e anëtarit të kryesisë, duke lëshuar një sërë akuzash në drejtim të Lulzim Bashës.

?Në përfundim të votimit të anëtarësisë së PD, për kryetarin e saj, po jap sot dorëheqjen time nga detyra e drejtorit të departamentit të ish- të përndjekurve dhe nga ajo e anëtarit të kryesisë. Unë, pas humbjes dramatike të PD-së mbrojta qëndrimin se z. Lulzim Basha ishte përgjegjës kryesor për këtë humbje dhe duhej të dorëhiqej në mënyrë që partia të niste një proces reflektimi dhe ringritjeje. Dorëheqja do të ishte një akt demokratik i nevojshëm dhe një pranim i vërtetë i përgjegjësive?, argumentonte Alizoti veprimin e dorëheqjes.

Në vijimësi  Alizoti, ka akuzuar  liderin demokrat Lulzim Basha. Sipas tij pas rikonfirmimit të  Bashës në krye të Partisë, ai ka tradhëtuar  demokratët.

Për më tepër ish-drejtuesi i Departamentit për të Përndjekurit në PD, Tomor Alizoti ka hedhur akuza të forta për PD-në, duke e quajtur parti e qendrës së djathtë të shitur tek persekutorët./CNA.al

 





Lajmet e fundit nga