web counter
LEXO PA REKLAMA!

SHKARKO APP

App Store
Google Play

E fundit!

x

Vjen dorëheqja e parë në PD/Basha braktiset nga drejtori i lartë (Emri)

23 Korrik 2017, 11:46, Aktualitet CNA

Fitorja e thellë e Lulzim Bashës, menjëherë pas humbjes së thellë dhe katastrofike në zgjedhjet e 25 qershorit, është pritur me reagime të ashpra dhe dyshime të forta njëkohësisht.

Rikonfirmimi i Bashës në krye të PD edhe për katër vitet e ardhshme ka sjellë dhe dorëheqjet e para në radhët e demokratëve, që e shohin dhe vlerësojnë garën dhe rezultatin si të padrejtë dhe manipulues.

Është drejtori i Departamentit të të Përndjekurve Politikë në PD, Tomor Alizoti, që ka dhënë dorëheqjen nga detyra që mbante në selinë blu, si dhe nga ajo e anëtarit të kryesisë.

Ai e ka njoftuar largimin e tij përmes një reagimi në rrjetet sociale, duke sqaruar se Lulzim Basha ishte përgjegjësi kryesor për humbjen e 25 qershorit dhe duhej të dorëhiqej në mënyrë që partia të niste një proces reflektimi dhe ringritjeje.

Mesazhi i plotë:

Ne perfundim te votimit te anetaresise se PD per kryetarin e saj jap sot doreheqjen time nga detyra e drejtorit te departamentit te ish te perndjekurve dhe nga ajo e anetarit te kryesise. Une, pas humbjes dramatike te PD-se mbrojta qendrimin se z Lulzim Basha ishte pergjegjes kryesor per kete humbje dhe duhej te dorehiqej ne menyre qe partia te niste nje proces reflektimi dhe ringritjeje. Doreheqja do te ishte nje akt demokratik i nevojshem dhe nje pranim i vertete i pergjegjesive. Vetem keshtu ne do te kishim mundesine e ndertimit te nje fryme dhe force te vertete opozitare. Z Basha zgjodhi nje qasje tjeter duke iu imponuar normave perendimore dhe duke u rizgjedhur, kesisoj une si akt qytetar dhe fisnik po zgjedh te dorehiqem. Mbetem nje mbeshtetes i paepur i PD dhe i te djathtes dhe shpresoj qe ajo shume shpejt te zere vendin qe meriton. Mirenjohje te thelle per te gjithe mbeshtetesit./CityNews





Lajmet e fundit nga