web counter
LEXO PA REKLAMA!

SHKARKO APP

App Store
Google Play

Historia e Sanos, reagon mbesa:”Arbana, ku e gjen të drejtën të më cënosh privatësinë”

20 Janar 2019, 12:02, Aktualitet CNA

Mbrëmjen e djeshme, në emisionin ?Dua të të bëj të lumtur? u transmetua një histori që preku zemrat e publikut. Ishte historia e Sanos, që i dërgoi një mesazh të bijës që kishte vjet që nuk fliste, por ajo e refuzoi ftesën.

Pas reagimeve dhe sulmeve të shumta në rrjetet sociale për të bijën e cila refuzoi ta takonte, mbesa e Sanos, Dorina ka reaguar nëpërmjet një letre të hapur për Anabel.al.

Ajo shprehet se nuk ishte aspak në dijeni për situatën dhe ka mbetur e habitur kur e kanë lajmëruar mbrëmjen e djeshme. Sipas saj, Sano është gjyshja e saj biologjike por për shkak të ndarjes dhe ndodhive, kanë shkëputur kontaktet dhe kanë jetuar me njerkën.

?Kaluan vitet,por plaga ngeli në të njëjtin vend. Plagë që m?u desh ta shikoja vetë tek sytë e mamasë sime, dje në mbrëmje, kur e ëma biologjike kishte dalë në emision për të thënë një përrallë dhe për të trilluar një histori me shpresën se dikujt do t?i vijë keq për të.?- është shprehur e mbesa.

Më tej ajo i ështe drejtuar Arbanës dhe stafit të saj:

?Jam shumë kurioze të di, përpara se të shfaqni një histori a interesoheni për vërtetësinë e saj? A bëni kërkime për personin që i drejtohet një letër apo personin që tregon historinë? A e di ti që rreth 50% e njerëzve mbi moshën 80 vjeç vuajnë nga sëmundja e Alzheimerit(humbja e kujtesës) dhe nuk mund t?i marrësh për bazë as 80% të fjalëve që flasin? A e di ti çfarë tronditje ke sjellë dje tek familjarët e mi vetëm e vetëm për përfitimet e një televizioni dhe për pak audiencë? Kush të jep të drejtë të baltosësh emrin e mamasë sime? Ajo ka ndërtuar një emër dhe një reputacion me shumë djersë dhe mund, ndërsa ju keni cënuar figurën dhe keni prishur imazhin e saj. Kush mban përgjegjësi për këtë? Ti zonja Arbana ke zgjedhur të jesh person publik, ndërsa unë jo. Ku e gjen të drejtën të më cënosh privatësinë duke më shfaqur ne emisionin tënd me zë dhe me figurë, pa më kërkuar leje??





Lajmet e fundit nga