Edvin Kulluri i "nxjerr bojën" Bashës/ Kopje e shëmtuar e Rilindjes

16 Janar 2019, 12:46, Aktualitet CNA

Me datën 19 janar, në orën 11:00 do të mblidhet Këshilli Kombëtar i Partisë Demokratike, ku do të zgjidhet edhe kryesia e kësaj force politike.

Ndërkohë në lidhje me këtë ka reaguar edhe anëtari i Këshillit Kombëtar të PD, Edvin Kulluri, i cili në një postim në rrjetet sociale zbulon një tjetër farsë të kreut të PD, Lulzim Basha.

Në postimin e tij Kulluri shkruan se askush në parti nuk e dinte që do mblidhej Këshilli, përveç Bashës, dhe askush nuk e di se kush do të garojë për Nënkryetar, Sekretar i Përgjithshëm, Sekretariate dhe Anëtar Kryesie!

Kulluri e cilëson mbledhjen si farsë e radhës dhe denoncon mungesën e plotë të transparencës.

?Te shtunen u mblidhka Keshilli Kombetar i PD!

Askush ne ate parti pevec kryetarit nuk dinte gje derisa u erdhi mesazhi ne telefon thjesht si njoftim. Askush nuk e di se kush do garoje per Nenkryetar, Sekretar i Pergjithshem, Sekretariate dhe Anetar Kryesie!

Terr, obskurantizem, mungese e plote transparence! Si cdo vendim madhor qe nga 2017, edhe kete here gara do jete mes kandidaturave qe do propozoje kryetari ne mbledhje dhe 200 e ca anetar te Keshillit(askush nuk e di se sa jane) do votojne kuturu sipas konjukturare personale! Ky nuk eshte proces politik por zgjatim i drejtimit krejtesisht autokratik personal i Bashes dhe si gjithmone trupa amorfe pa kurajo, pa mendim, pa profil politik do heshte dhe do ngrene duart si kliente te tij.?-shkruan Kulluri.

Më tej Kulluri rikthen në vëmendje akuzat që Basha jo pak herë ka drejtuar ndaj kryeministrit Rama, duke e cilësuar si autokrat. Kulluri thekson se Basha është një kopje e shëmtuar e Rilindjes.

?Dhe ne daljet publike kerkon voten per nje qeverisje me te mire perballe ?autokratit Rama?! Por harron se shumica e demokrateve dhe qytetareve nuk jane idiote qe te ?hane sapunin per djathe?! Shqiperia nuk eshte loder ne duart e Rames e Bashes! Njerezit votojne modelin me te mire dhe jo rrotacionin e ?sulltaneve?! Ndaj kriza do vazhdoje per sa kohe perballe nje qeverisjeje klienteliste, arbitrare dhe te korruptuar qendron nje sharlatan qe tregon perralla banale me ?lider perendimor? qe eshte nje kopje e shemtuar e Rilindjes!?-përfundon postimin e tij Edvin Kulluri./CNA.al