web counter
LEXO PA REKLAMA!

SHKARKO APP

App Store
Google Play

Solidaritet me Tiranën/ Ngujohen Sudentët e “Aleksandër Moisiut”

14 Janar 2019, 20:11, Aktualitet CNA

Protesta e studentëve të universiteteve të Tiranës ka gjetur mbështetjen e  Universitetit të Durrësit, ?Aleksandër Mojsiut? në zonën e Spitallës. Ata kanë marrë vendim të ngujohen në ambjentet e universitetit të tyrë.

Pas një takimi të mbrëmjes së sotme studentët, duke filluar nga dita e nesërme, ora 07:00 e mëngjesit, do nisin ngujimin në amientet e universitetit të tyre.

Për më shumë lexoni njoftimin e plotë të studentëve:

?Studentët e Universitetit Aleksandër Moisiu Durrës, kanë zhvilluar ditën e sotme një takim brenda Universitetit, të thirrur nga disa anëtarë të Këshillit Studentor.

Pas shumë diskutimeve, studentët referuan tek Këshilli Studentor problematikat që hasin në jetën e përditshme universitare.

Një ndër pikat kresore që u diskutua në takim ishte edhe qëndrimi që do të mbajnë studentët e UAMD-së, në lidhje me situatën e arsimit në përgjithësi dhe kërkesat që kanë tanimë studentët në mbarë vendin.

Në përfunim, studentët arritën në konkluzionin se rruga e veteme, që çon drejt plotësimit të 8 kërkesave, por më e rëndësishme, rrëzimi i Ligjit të Arsimit të Lartë është bojkoti i procesit mësimor.

Universiteti është i yni, dhe rezistencën sigurisht që do ta bëjmë brenda mjediseve të fakulteteve.

Duke filluar nga ora 07:00, ditën e martë studentët e UAMD-së do të qëndrojnë brenda mjediseve universitare, si kolegët tanë në pothuajse gjithë vendin.

Procesi mësimor është shumë i rëndësishëm për neve, por akoma më e rëndësishme është një sistem cilësor i arsimit, kësisoj, studentët e UAMD duke filluar nga nesër nisin bojkotimin e mësimit, derisa qeveria të rrëzojë ligjin e arsimit të lartë dhe plotësimin e kërkesave tona.

Universiteti është i yni

Universitetin e bëjmë vet

Ligjet klienteliste nuk i pranojmë

Bashkohuni me studentët nesër në orën 07:00 pranë UAMD spitallë, kapus 2?./CNA.al





Lajmet e fundit nga