web counter
LEXO PA REKLAMA!

SHKARKO APP

App Store
Google Play

E fundit!

x

Akuza të rënda Kryeministrit për nepotizmin në administratë

14 Janar 2019, 18:37, Aktualitet CNA

Publikimi i dosjes me nr.339 nga radioja ?Zëri i Amerikës? ka nxitur reagim të ashpër edhe nga Partia Demokratike, e cila për aktin e shëmtuar ka akuzuar rendë kryeministrin Edi Rama.

Në emër të kësaj partie, deputeti i listës Basha, Ervin Salianji, nëpërmjet një konference për shtyp ka folur rreth publikimit të dosjes nr. 339, ku me prova faktohet ndërhyrja e drejtëpërdrejtë e kryeministrit Rama në prishjen e konkurseve për vendet e punës në administratën publike.

?Sot, një shtet serioz dhe një prokurori normale që e disponon prej muajsh këtë dosje do të kishte marrë të pandehur Edi Ramën për abuzim me detyrën dhe për ushtrim të ndikimit të paligjshëm. Sot shefja e tij e kabinetit, Vali Bizhga, deputetët e Ramës, Blerina Gjylameti, Ulsi Manja dhe një sërë deputetësh dhe zyrtarësh duhet të ishin në burg!

Përgjimet ku ish drejtori të Përgjithshëm i Burgjeve zbulon se emërimet në administratë nuk bëhen me konkurs, por dalin nga zyra e Kryeministrit dhe nga telefonatat me deputetët janë pjesë e dosjes 339.

Kjo është e njëjta dosje, ku Vangjush Dako bashkëpunon me krimin e organizuar për blerjen e votave për llogari të pushtetit të Edi Ramës në zgjedhjet e vitit 2017,?- ka deklaruar ndër të tjera deputeti Ervin Salianji. /CNA.al





Lajmet e fundit nga