web counter
LEXO PA REKLAMA!

SHKARKO APP

App Store
Google Play

E fundit!

x

Gazetari e thotë copë/ Shqipëria ka brigada vetëm politike

14 Janar 2019, 16:03, Aktualitet CNA

Gazetari Denis Dyrnjaja në  një postim në rrjetet sociale është shprehur kritik ndaj sistemit të partive politike duke i cilësuar ato si brigada politike ku duhet marrë leje për të folur në publik.

?Shqipëria nuk ka më parti politike, por ka brigada politike!

Shqipëria e Shekullit të 21 është mbushur me brigada politike. Çfarë janë brigadat politike?! Janë formacione ku aderojnë një grup njerëzish që janë të gatshëm të falin integritetin dhe dinjitetin personal e publik për t’u rreshtuar brenda brigadës politike, ku duhet të marrësh leje për të folur në publik.Në Vitin 1990 të gjithë kishin etje për të folur. Zëri i Amerikës asokohe intervistonte edhe njerëz që kishin dalë hapur kundër regjimit komunist në rënie, por edhe njerëz të regjimit për të kuptuar mendësinë dhe veprimin e tyre dhe të gjithë flisnin pa censurë. Me ardhjen e demokracisë kjo traditë u ruajt, madje edhe në vitet më të serta të pushtetit autokratik të Berishës president, nuk u arrit deri pikën ku njërëzit duhet të kontrolloheshin dhe urdhëroheshin për të folur ku dhe çfarë.?-shkruan Dyrnjaja.

Sipas gazetarit, brenda partive politike është strukturuar censura politike.

?Në këtë pikë kemi mbërritur sot në prag të Vitit 2020 ku partitë kryesore janë shndërruar në brigada politike. Kemi Brigadën e PS-së, të PD-së dhe LSI-së. Më rëndë janë dy të parat. Brenda tyre është strukturuar dhe zyrtarizuar censura politike. Përjashto individë të ndryshëm, që për hir të së vërtetës kanë integritet dhe e kanë ruajtur atë si vlerë njerëzore së pari, pastaj si vlerë e kontributit personal politik, të gjithë të tjerët, pra shumica, duhet të marrin leje në zyrën e propagandës për të dhënë mendimin e tyre në hapësirat mediale. Kjo s’është as më shumë dhe as më pak se “vrasje” e lirisë së mendimit dhe veprimit në mënyrë masive.?-vijon gazetari.

Dyrnjaja në shkrimin e tij e cilëson këtë si pika fundore e demokracisë ku individët janë shndërruar në artopalant propaganda.

?Duhet të dini se shumica për të mos thënë 90% e njerëzve të angazhuar në politikë marrin leje për të folur. Pra nuk mund të flasin ose prononcohen dot për qëndrimet e partisë ose qëndrimet e tyre personale brenda partisë, pa leje. Kjo është pika fundore e demokracisë ku tjetri nuk ka mendim personal por mendim kolegjial partiak. Individët janë shndërruar në artopalant propagande.?-shkruan ai.

Në mbyllje të shkrimit të tij, gazetari Dyrnjaja shkruan se mendjet e lira janë marrë peng brenda brigadave politike!

Si mund të kenë njerëzit shpresë në një vend ku nga viti në vit censura politike në rradhë të parë po thyen rekorde të padëgjuara për një sistem të pretenduar pluralist dhe demokratik?! Të gjithë bëjnë leksione demokracie dhe kërkojnë besim publik, por ndërkohë në mendësinë e tyre është diktati. Nuk je diktator nga veshja apo spaletat, por nga mendësia. Mendjet e lira janë marrë peng brenda brigadave politike!?-përfundon Dyrnjaja./CNA.al





Lajmet e fundit nga