Rama debat me Bushatin/ I bllokoi vizitën në Berlin?

14 Janar 2019, 14:13, Aktualitet CNA

Ish-kryeministri Sali Berisha në një postim në rrjetet sociale ka reaguar ndaj vetëpropozimit të kryeministrit Edi Rama për postin e ministrit të Jashtëm.

?Shqipëria me dy ministra të jashtëm, Ditziu kushtetues Edvini antikushtetues!?-shprehet ai.

Më tej, Berisha tregon se një sherr i madh ka plasur midis Rmës dhe ministrit të Jashtëm në detyrë, Ditmir Bushatit.

Një sherrnajë e madhe ka shpërthyer këto ditë midis ministrit të Jashtëm antikushtetues apo të kryesisë së Partisë Socialiste, Edvin Kristaq Rama dhe ministrit kushtetues Ditzi Bushati, të cilin neni 106 i Kushtetutës e detyron të qëndrojë në detyrë gjersa Presidenti i Republikës ta ç?dekretojë atë si ministër i Jashtëm dhe të dekretojë e të bëjë betimin para presidentit personi që do të zëvendësojë atë në postin e ministrit të jashtëm.?-thotë ai.

Sipas ish-Kryeministrit kjo situatë tregon se mazhoranca po kapitullon dhe se Shqipëria është pa ministër të Jashtëm.

?Situata me dy ministra të Jashtëm është tragjikomike dhe dëshmon se mazhoranca e drogës, krimit dhe vjedhjeve po kapitullon. Kjo situatë do të thotë se Shqipëria defacto është pa minstër të Jashtëm.?-vijon demokrati.

Sali Berisha thekson se kreu i qeverisë blloki vizitën e ministrit Bushati në Berlin, duke i shkaktuar vendit probleme serioze për integrimin në Bashkimin Europian.

?Rama, i tmerruar nga vizita e parashikuar me kohë për sot dhe nesër e Ditziut në Berlin, shumë e rëndësishme për hapjen e negociatave në qershorin që vjen, bllokoi vizitën. Ai, pasi dështoi ta detyrojë Ditziun t?i paraqesë dorëheqjen, sipas diplomatit dixhital kaloi në ekstrem duke i bllokuar pasaportën diplomatike dhe bërë të pamundur udhëtimin e Ditziut për Berlin, por njëkohësisht duke dërguar një mesazh të neveritshëm dhe turpërues në kancelarinë gjermane.?-thotë ai.

Ish-kryeministri kërkon dënimin me forcë të këtij skandali dhe i bën thirrje presidentit Ilir Meta që të mos e dekretojë Ramën në postin e ministrit të Jashtëm.

?Duke dënuar me forcën më të madhe këtë skandal me kosto të lartë për integrimin e vendit, i bëj thirrje Presidentit të Republikës të mos dekretojë Zografin bis si ministër të jashtëm të Shqipërisë.?-mbyll shkrimin Sali Berisha./CNA.al