web counter
LEXO PA REKLAMA!

SHKARKO APP

App Store
Google Play

Pazaret me Ministrin e Jashtëm/ Rama luan blofin

14 Janar 2019, 12:12, Aktualitet CNA

Posti i Ministrit të Jashtëm, është bërë objekt debati, pas ndryshimeve të fundit në Qeveri.

Kryeministri Edi Rama , në vend të Ditmir Bushatit, propozoi Gent Cakajn, por ky i fundit nuk u dekretua nga Presidenti Ilir Meta, me argumentin se pas tij fshihen skenare të errëta.

Prej rreth dy javësh ka shpërthyer debati këndej dhe andej kufirit, në lidhje me këtë çështje.

Në këto rrethana, sot kryeministri Rama, është vetshpallur Ministër i Jashtëm, ndërsa ka “kërcënuar” Presidentin Meta me Gjykatën Kushtetuese, në lidhje me mos çdekretimin e Ditmir Bushatit.

?Presidenti s’e ka çdekretuar Ministrin e Jashtëm në afatin kushtetues. Shkelje e radhës që do ta ballafaqojmë bashkë me të tjerat në Gjykatën e re Kushtetuese. Deri atë ditë që vjen shumë shpejt,do të jem de jure në këtë rol sepse s’kemi kohë për të humbur në kërkim të Presidentit?, ka shkruar Rama në rrjete sociale.

Shqipëria ende nuk ka Gjykatë Kushtetuese, pasi shumica e anëtarëve të saj u rrëzuan në Vetting. Ndaj pyetja shtrohet sa kohë do të mbajë Rama, postin e Ministrit të Jashtëm?

KED ka njoftuar se nesër do të shyqrtojë kandidaturatë për anëtarë të Kushtetueses.

Mirëp, një pjesë e kandidaturave, emrat e të cilëve janë bërë publik më herët nga Kuvendi, nuk kanë kaluar në Vetting.

Kandidatët, emrat e të cilëve u publikuan nga Kuvendi  janë, Elsa Toska, Fiona Papajorgji Valbona Bala, ish-prokurori i Përgjithshëm, Theodhori Sollaku, ish- ministri i Drejtësisë, Ilir Panda si dhe avokatët Sinan Tafaj dhe Vasil Bendo.

Por, ndonëse jemi në fazën e shqyrtimit të kandidaturave plotësimi i Gjykatës Kushtetuese duket ende i largët.

Kandidatja Valbona Bala ka dhënë dorëheqjen si gjyqtare dhe KPK i ndërpreu Vettingun. Vendimi i KPK u kundërshtua  nga Kolegji i Posaçëm të Apelimit.

Deri më tani nga kandidatët që ka kaluar Vettigun është vetëm Fiona Papajorgji.

Ndërkohë kandidaturat e tjera nuk kanë kaluar ende në Vetting.

Kështu që kryeministri Rama, duket se të paktën edhe gjysmën e vitit, do të mbajë postin e Ministrit të Jashtëm./CNA.al

 

 

 





Lajmet e fundit nga