web counter
LEXO PA REKLAMA!

SHKARKO APP

E fundit!

x

Përplasja Rama-Meta/ Befason Bushati

13 Janar 2019, 14:49, Aktualitet CNA

Përplasjet midis Kryeministrit dhe Presidentit, në lidhje me çështjen e ministrit të Jashtëm, ka krijuar pasojat e para në politikëne jashtme të vendit, duke filluar, së pari, me Gjermaninë.

Ministri i Jashtëm ende në detyrë, Ditmir Bushati  ka anuluar vizitën e tij në Gjermani, të programuar për javën e ardhshme, ku do zhvillonte një takim me homologun e tij në Berlin, Heiko Mass raporton tch.

Ditmir Bushati anuloi edhe dy takime në Bruksel më 10 janar, ku ai do diskutonte me shefen e politikës së jashtme të Bashkimit Europian, Federica Mogherini.

Madje edhe  takimi me eurokomisionerin për Zgjerimin, Johannes Hahn, nuk u zhvillua.

Ndërsa, nuk dihet ende çdo bëhet me dy takime të tjera të ministrit të Jashtëm me homologët e tij në Tiranë .

Në datën 16 janar pritet që Shqipërinë ta vizitojë ministri italian, Enzo Moavero Milanesi, si edhe ministri i Jashtëm holandez, Stef Blok, ditën e enjte./CNA.al





Lajmet e fundit nga