E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Nuk përmbahet më Vasili/ Kryeministri një i vdekur që ecën

13 Janar 2019, 15:03, Aktualitet CNA

Kreu i Grupit Parlamentar i LSI-së, Petrit Vasili në një postim në rrjetet sociale e ka quajtur kryeministrin Edi Rama si një të vdekur që ecën, pasi ka rënë politikisht.

?Kryeministri një i VDEKUR QË ECËN dhe anonimet në qeveri !!!

Mbushja deri në grykë e qeverisë me anonimë të lindur gjatë shkëmbimeve të tarafëve financiare erotike e mediatike,në korridore ku ndahen pazare të errëta kundër atdheut, në restorante,në paradhoma zyrash,në festime të larmishme të çfrenuara ditlindjesh,ka prodhuar thjesht një hiçgjë të madhe.

Kryeministri i cili sot është thjesht një asgjë, sepse ka vdekur e rënë politikisht dhe moralisht, u përpoq të zgjidhte hallin me një hicgjë të madhe anonimesh, që përvec përbetimit se mund të bëjnë çdo çmenduri,që ai do t’ju kërkojë nuk ofrojnë dot asgjë tjetër.?-shkruan Vasili.

Sipas Vasilit, Anonimët që Rama ka zgjedhur mund të bëjnë çmendurira për mafian qeveritare.

?Anonimet injorante mund të bëjnë çmendurira për mafian qeveritare me alibinë se këta të shkretët janë fillestare dhe po mësojnë qeverisjen,të cilën pasi ta mësojnë mirë nuk do të gabojnë më.

Këto çmendurira janë fatura të rënda,që bien mbi kurrizin e të gjithëve ndërkohë që kryeministri asgjë fiton para’ dhe dëmton deri në palcë vendin dhe interesat e tij.?-vijon më tej deputeti i LSI.

Më tej në shkrimin e tij Vasili shkruan se Rama dhe anonimët që ka zgjedhur nuk kanë asnjë ndryshim nga njëri tjetri.

?Alibia e papërgjegjshmërisë se anonimeve nga kryeministri,është një nga zgjidhjet politike më të zeza që Shqipëria ka parë.

Sot anonimet duhen trajtuar më rreptë se çdo subjekt tjetër politik sepse janë vetofruar të bëjnë kamikazin,por me sigurinë se do të dalin pa asnjë dëm nga faji i kryer.

Ata dhe kryeministri s’kanë asnjë dallim nga njëri-tjetri.

Pikërisht anonimi në krye të ministrisë së brendëshme që rreh studentët bën idiotin naiv kur duhet të japë llogari për rrëmbimet e njerëzve dhe për goditjen e grupeve kriminale.?-shkruhet në postimin e Vasilit

Në mbyllje të shkrimit të tij Petrit Vasili shkruan se i vdekuri që ecën ka tashmë një vend të garantuar në varrezat politike,thjesht ky është një funeral i vonuar

?Kryeministri asgjë sot përveç se zvarritet si një i VDEKUR QE ECËN nuk bën asgjë tjetër.

Korrupsionin e çmendur,kriminalizimin e qeverisjes dhe injorancën vulgare në karrigen e tij,kryeministri nuk e shpëton dot as me anonime në qeveri dhe as me çdo lloj bastuni me gunga në media.

I VDEKURI QË ECËN ka tashmë një vend të garantuar në varrezat politike,thjesht ky është një funeral i vonuar….?-përfundon shkrimin e tij Vasili./CNA.al