web counter
LEXO PA REKLAMA!

SHKARKO APP

App Store
Google Play

E fundit!

x

Fonde të “errëta” dhe talente pa përkrahje/ Ministria e kulturës bojkoton jetën artistike

13 Janar 2019, 12:02, Aktualitet CNA

Ministria e Kulturës, duket se përveç etiketimit që përcakton fushën me të cilën merret, nuk bën asgjë më shumë.  Ministrat shkojnë e vijnë, regjistrojnë në CV ?në e tyre, ndonjë skandal, ndërkohë se çfarë realisht në fushën e kulturës, nuk iu intereson.

Një vend përveçse, nga gjuha dhe traditat, identifikohet edhe nga arti dhe muzika.

Por, në Shqipëri talentet e reja, apo projektet muzikore, nuk vlerësohen nga Ministria e Kulturës.

Buxhetet e  dhëna nga Ministria e Kulturës në përkrahje të artistëve të rinj, apo dhe projekteve të ndryshme muzikore janë të pakta, për të mos thënë fare.

Për më tepër Ministria e Kulturës nuk e njeh transparencën. CNA.al kërkoi të informohej në faqen zyrtare të Ministrisë, mirëpo kjo e fundit është jashtë funksionit.

Nuk janë të pakta rastet kur artistët kanë dhënë alarmin se jeta artistike po sabotohet nga Ministria e Kulturës.

Artisti Stefi Prifti, është shprehur i revoltuar, nga heshtja e kompetentëve dhe injorimi i talenteve të reja, ndërkohë nga ana tjetër trumbetohet show.

?Heshtje! Sa pak krijimtari! Sa pak këngëtarë dhe këngë të reja në tregun shqiptar.

Sa pak mundësi për të arritur suksesin talentet e reja. Vetëm kur ju duhen për t?u shfrytëzuar, vetëm atëherë lançohen dhe trumbetohen me të madhe, pastaj hidhen në plehra?, ka shkruar ai.

Sipas Priftit,  talentet e reja, nuk promovohen dhe nuk ju krijohet mundësia për t?u integruar.

?Varfëri (heshtje) në menaxhim dhe marketim. Varfëri (heshtje) në mbështetje financiare. Varfëri (heshtje) shpirtërore dhe humanizmi inekzistent dhe ai i biznesit, zero. Heshtje! Varfëri! Qetësi vrastare!

Duket sikur gjërat kanë ngelur në vend numëro. Nuk ka struktura dhe mekanizma për të organizuar dhe vënë në lëvizje çështjet e artit dhe të sportit! Nuk ka struktura dhe mekanizma për t?u integruar apo për të qenë më shumë se sa shqiptarë. Mos ju duket çudi?, ka ?shpërthyer? më tej ai.

Ajo çfarë ndodh në botën e artit, është vërtetë e rëndë. Ngjyrat që përcillen tek qytetarët, për vetë artistët nuk ekzistojnë fare. Prapaskenat në botën e artit, të ngjajnë me skenarin e një filmi mafioz.

?Ne kemi shumë talente, por nuk kemi asnjë ?trampolinë lidhëse? me Europën dhe botën, as me ballkanin nuk kemi. Jemi si të shkëputur. Jemi të paorganizuar dhe në këtë gjendje që ndodhemi ndihemi inferiorë, ?vrasin babanë?, për të shkuar në Eurovizion Fest, i vetmi event që na lidh me botën.

Mbeten vetëm përpjekjet personale dhe individuale të disa artistëve, sportistëve apo individë të talentuar shqiptare në fusha dhe profesione të ndryshme, që me shumë sakrifica dhe mundime arrijnë suksese kudo në botë dhe na bëjnë krenare?, ka shkruar ndër të tjera Stefi Prifti.

Dhe me të drejtë, artisti Stefi Prifti pyet:, ?Po shteti ç?bën për ta? A ka struktura këtu në mbështetje të këtyre talenteve? A ka fonde ky shteti ynë për të promovuar apo studiuar talente shqiptare në shkollat europiane? Dhe, nese nuk ka shteti, si ka mundësi që jemi i vetmi vend (ndër vendet e zhvilluara dhe emancipuara), që nuk ka shoqata, organizma humanitare, filantrope me qëllime madhore, mbështetjen e njerëzve të varfër, së pari, por edhe të talenteve që premtojnë shumë dhe ta kthejnë investimin duke ngritur lart flamurin dhe emrin shqiptar?./CNA.al

 





Lajmet e fundit nga