web counter
LEXO PA REKLAMA!

SHKARKO APP

App Store
Google Play

E fundit!

x

Rama e vlerësoi si një nga më të bukurat/ Kjo është poezia e Andi Bejtjes

13 Janar 2019, 11:43, Aktualitet CNA

Gjatë emisionit ?Zonë e lirë? të emisionit Arjan Çani ku ishte i ftuar, kryeministri Edi Rama tregoi se kush ishin ata gazetarë, të cilëve kreu i qeverisë u drejtohej me emrin ?Kadri?.

Ndërsa, i pyetur nga Çani nëse Andi Bejtja ishte një nga këta ?Kadrinjtë?, Rama tha se gazetari ka shkruar 1 nga 10 poezitë më të bukura të gjuhës shqipe dhe që s?mund të cilësohej asnjëherë me atë emër.

?Andi Bejtja ka shkruar 1 nga 10 poezitë më të bukura të shqipes.  S?mund të jetë kurrë kadri?.-tha kreu i qeverisë.

Poezia e gazetarit që përmendi Edi Rama në emision është ?Atdhedashuri?.

Në këtë poezi, Andi Bejtja tregon në vargje realitetin e vendit tonë dhe tiparet e njerëzve dembele. Në çdo varg Bejtja rendit një tipar negativ të shqiptarëve./CNA.al

 

Atdhedashuri

Në  këtë vend ku dembelizmi është virtyt

Ku ka fusha të gjera me vese

Dhe gënjeshtër me këmbë të gjatë

Unë e kam lidhur historinë pas një gomari veshkurtër që mund të jem unë ose vetë heroi ynë Skënderbe

Të cilin Vatikani e kurdisi siç kurdiset një orë me zile, po akrepat i la të mbesin në shekullin e katërmbëdhjetë

Po unë s?mërzitem

As ofendohem,

Europës nuk i mbaj mëri.

Vazhdoj të eci nëpër tym si një Kostandin

Që ngrihet nga varri dhe kujtohet se motër s?ka pasur kurrë;

Duke mallkuar malet e larta krenarë

Që ia marrin frymën detit, i bëhen ombrellë?

Mos kërko nga unë të jem as Rozafë, as Skënderbe, as Kostandin.

E shumta që mund të kërkoni nga unë është të jem Ismail Qemal,

Të ngre flamurin kombëtar në xhep të pantollave bluxhinse

Për të shpallur në paqe e pa bujë

Pavarësinë e Mendjes Time?

 





Lajmet e fundit nga