web counter
LEXO PA REKLAMA!

SHKARKO APP

App Store
Google Play

E fundit!

x

Moti i keq/ ARRSH tregon akset ku duhet lëvizur me zinxhirë

13 Janar 2019, 07:57, Aktualitet CNA

Autoriteti Rrugor Shqiptar ka bërë njënjoftim mbi gjendjen e akseve kryesore në vendin tonë.

ARRSH bën me dije se në Rajonin Jugor, Gjirokatër gjatë natës është punuar për pastrimin e borës dhe shpërndarjen e kripës.

Ndërsa në të gjitha akset kombëtare të këtij Rajoni, ku përfshihen rrugët e Korçës, Vlorës dhe Gjirokastrës qarkullimi kryhet pa zinxhir.

Rajoni Verior, Shkodër, kontraktorët vijojnë ende  punën për pastrimin e dëborë dhe shpërndarjen e kripës dhe në të gjitha akset e tij ka përmirësim të dukshëm të gjendjes së rrugëve.

?Segmentet rrugore ku rekomandohen zinxhirët:

– Qafë Mali-Fierzë

– Ura e Cerenecit-Steblevë

– Qafë Bualli-Krastë

– Trebisht-Doganë

Segmentet rrugore ku rekomandohen pjesërisht me zinxhir

– Kuben-Vasije

– Peshkopi-Qafë Draje

– Peshkopi-Ushtelencë

– Domaj-Draj Rec

– Bulqizë-Fushë Bulqizë

Në Rajonin Qendror Tiranë: Puna nga ana e kontraktorëve vazhdon për pastrimin e akseve dhe shpërndarjen e kripës.

Në akset e mëposhtme qarkullohet pjesërisht me zinxhir.

– Rrugët e Dajtit (Qafë Priskë – Qafë Mollë, Qafë Priskë ? Shëngjergj)

– Rruga Lunik ?Steblevë

– Krujë-Sarisalltik

Në akset e tjera të këtij Rajoni qarkullimi kryhet normalisht pa zinxhirë.

Për shkak të temperaturave të ulëta, rekomandohen përdoruesit e rrugës të bëjnë kujdes, të lëvizin me shpejtësi të reduktuar dhe të përdorin gomat e dimrit.

Gjithashtu gjatë lëvizjes duhet të respektojnë sinjalistikën rrugore.?-njofton Autoriteti Rrugor Shqiptar./CNA.al





Lajmet e fundit nga