web counter
LEXO PA REKLAMA!

SHKARKO APP

App Store
Google Play

E fundit!

x

Akuza e deputetit/ Studentët kanë arritur ta grisin imazhin karagjoz te Kryeministrit

12 Janar 2019, 20:17, Aktualitet CNA

Deputeti i Partisë Demokratike, Oerd Bylykbashi në një postim në rrjetet sociale ka reaguar për dhunën e kryer nga Policia ndaj studentëve në ambientet e Fakultetit Juridik.

Bylykbashi ka bërë një krahasim me periudhën e shembjen e sistemit komunist në një protestë të organizuar nga gjimnazistët në qytetin e Durrësit dhe ku kishte qenë vetë pjesë e saj.

? ?As atëherë nuk guxuan të hynin në shkolla

Pothuaj 28 vite më parë, në shkurt te vitit 1991, nxënësit e gjimnazit Naim Frashëri në Durrës organizuan një marshim demonstrativ nëpër qytet bashkë me gjimnazet e tjera, ?në mbështetje te grevës historike të urisë së studentëve ne Tiranë.

Më pas ne nxënësit, kur u mor vesh se policia mund të ndërhynte për të na penguar, u futëm në palestrën e shkollës. Ne kishim bindjen që policia nuk kishte të drejtë të futej në ambientet e shkollës dhe aty mund të vazhdonim protestën të qetë.?-shkruan Bylykbashi.

Sipas Bylykbashit, as në atë kohë Policia nuk sillej siç po sillet tani me studentët. Edhe pse akoma nën rëgjim komunist policët nuk u lejuan nga mësuesit të futeshin brenda ambjenteve të shkollës.

?Aty, me këshillën e disa mësuesve që kishin themeluar PD në shkollë dhe nën shembullin e kërkesave të studentevë, u vendos që kërkesave tona t’u jepej sfond politik dhe kërkuam heqjen e bustit të Enver Hoxhës nga shkolla, këndit të emulacionit komunist dhe cdo parrulle të Enver Hoxhës nga klasat e mësimit. Një përfaqësi nxënësish shkuam dhe ia paraqitëm kërkesat drejtoreshës komuniste te shkollës e cila u zbardh ne fytyrë.?

Ne fakt, policia me forca prej disa dhjetrash, ishte afruar në oborrin e shkollës dhe ishte e gatëshme të hynte për të na shpërndarë dhe përzënë nga shkolla, por stafi i mësuesve nuk i lejoi duke marrë përsipër zgjidhjen e situatës. Më pas morëm vesh që kishim rrezikuar që të shpërndaheshim me forcë. E nënvizoj, ishte shkurti i vitit 1991, qeveria komuniste e Ramiz Alisë ishte në fuqi, dhe policia komuniste ishte po ajo xhahilja. Pak ditë më vonë u rrëzua statuja e Enver Hoxhës? në Tiranë.?-vijon më tej deputeti demokrat.

Sot pas 28 vitesh shkruan Bylykbashi, Edi Rama Edi Rama fut policinë e shtetit dhe forca parapolicore? nëpër universitete për të ndërprerë grevën e studentëve dhe shpërndarjen e tyre.

?Sot, 28 vite më pas, në një shtet gjoja demokratik, Edi Rama fut policinë e shtetit dhe forca parapolicore? nëpër universitete për të ndërprerë grevën e studentëve dhe shpërndarjen e tyre. Studentët kanë arritur ta grisin imazhin karagjoz te Kryeministrit. Sot ka ardhur koha për të shporrur Edi Ramën.?-mbyll shkrimin e tij Bylykbashi./CNA.al ?





Lajmet e fundit nga