web counter
LEXO PA REKLAMA!

SHKARKO APP

App Store
Google Play

Kërcënohen studentët e ngujuar/ Drejt grevës së urisë

11 Janar 2019, 18:42, Aktualitet CNA

 

Është tensionuar situata e studentëve të ngujuar në Fakultetin e Arkitekturës dhe Inxhinerisë së Ndërtimit. Burime të CNA.al, brenda këtyre Fakulteteve kanë bërë me dije se të detyruar nga shantazhi i bërë prej mbylljes së dyerve dhe kërcënimeve se nëse nuk ndërpresin protestën, ndaj tyre do ushtrohet dhunë, studentët po shkojnë drejt grevës së urisë të imponuar. Kjo prej faktit se prej disa orësh dyert e jashteme të Fakultetit janë mbyllur dhe Policia private e cila ruan godinën është rreshtuar për të mos lejuar futjen dhe daljen e asnjë studenti tjetër që kërkon ti bashkohet grupit të ngujuar.

Përveç tyre, sikurse pohojnë studentët Policia ka ndaluar edhe furnizimin me ushqime të studentëve që qysh prej ditës së djeshme vijojnë të qëndrojnë të ngujuar. ?Po na detyrojnë me dhunë që të nisim grevën e urisë e cila deri më sot nuk ka qenë në planet tona të përshkallëzimit të protestës. Defakto ne jemi në grevë urie dhe këtë na e ka imponuar shtetrrethimi që na është bërë nga ana e policisë private. Nuk dimë të themi se kush qëndron pas urdhërimit të policisë, por për një gjë e pohojmë me gojën plot: ?Ne nuk tërhiqemi nga protesta, jemi gati të paguajmë çdo lloj çmimi. I bëjmë thirrje urdhëruesve të heqin dorë nga shantazhi dhe dhuna,?, thanë burimet për CNA.al.

Ndërkohë që një grup tjetër studentësh janë shprehur në ligjeratë të drejtë: ?Neve na kanë mbyllur brenga në Fakultet, nuk na dërgojnë as ushqime. Jemi 40-50 studentë. As ushqimet nuk na i lene të na i kalojnë!  Na e kanë kyçur korridorin. Na kanë marrë emer, mbiemer. Po na fusin në grevë urie me dhunë! Kishte studente që donin të hynin, por nuk na lënë as të dalim dhe as të futen të tjerë…Nuk po e kuptojmë se çfarë po ndodh. Jemi të ngujuar prej orësh, kemi ftoht! Po na thonë dilni ose do ju nxjerrim me dhunë!?





Lajmet e fundit nga