E fundit!

22:38 Aktualitet

Protestojnë prej 26 ditësh/ Qytetarët vijojnë marshimin në rrugët e Tiranës

Prej më shumë se 1 ore, protestuesit vijojnë marshimin në ...

Çështja "Cakaj"/ Gazetari: Rama po bën autogol

11 Janar 2019, 19:00, Aktualitet CNA

Gazetari Denis Dyrnjaja në një postim në rrjetet sociale ka reaguar për mosdekretimin e Gent Cakajt, duke thënë se kryeministri Edi Rama është duke propozuar persona që presidenti Ilir Meta i ka të lehtë t?i refuzojë.

?Një Ministër i Jashtëm nga opozita në qeverinë e Ramës?! Përse jo.

Pyetja që vjen natyrshëm është: A do të mundej dot të refuzonte Meta kandidaturën e Bashkim Zenelit ose Veton Surroit p.sh për Ministër të Punëve të Jashtme të Shqipërisë?! Për arsyet që rrëzuan Gent Cakën të paktën jo.

Pra Rama po “pason” vetë topa të pastër që kundërshtarët e tij politikë po i shndërrojnë në gola në portën e kryeministrit?-shprehet ai.

Më tej, Dyrnjaja shton se këto gafa ndoshta janë të qëllimshme nga ana e kreut të qeverisë, për të tërhequr vëmendjen nga protesta e studentëve dhe Unaza e Re.

Ose sipas tij këto propozime vijnë sepse Rama dhe stafi i tij i këshilltarëve janë në një amatorizëm të thellë politik.

?Ose këto gafa bëhen qëllimisht për të tërhequr vëmendjen nga problematika të tjera si protesta e studentëve apo skandali i Unazës së re, ose Kryeministri dhe stafi i tij i këshilltarëve janë në një miopi dhe amatorizëm të thellë politik dhe qeverisës me zgjedhjet që bëjnë. z.Zeneli dhe z. Surroi janë vetëm dy prej shumë emrave dhe individëve që mund të gjenden në Kosovë e në Shqipëri për detyrën e Ministrit të Punëve të Jashtme.?-vijon ai.

Gazetari, po ashtu, shton se nëse kryeministrit do t?i një person i aftë për diplomaci mund të kërkonte edhe nga opozita.

?Shqipëria ka kualitete kalibri për të marrë detyrën e Ministrit të Punëve të Jashtme, madje nëse Rama nuk gjen dot dikë të përshtatshëm brenda vathës së vet që të drejtojë diplomacinë shqiptare, mund t’i shtrijë dorën edhe opozitës e cila ka gjithashtu ka kualitete në diplomaci.Do të ishte edhe risi në politikën shqiptare që një qeveri e majtë zgjedh një Ministër të Punëve të Jashtme të djathtë?-shprehet Dyrnjaja.

Sipas tij një vendim i tillë do ishte një hap shumë serioz drejt integrimit në Baqshkimin Europian si edhe për marrëddhëniet me Kosovën.

?Ky do të ishte një sinjal i mirë edhe për negociatat me BE-në edhe për marrëdhëniet me Kosovën e fqinjët, pasi do të ravijëzohej një politikë e qëndrueshme dhe me mbështetje të gjerë e afatgjatë në politikën e jashtme madje edhe atë të sigurisë kombëtare. Sepse punët dhe interesat e kombit dhe Shqipërisë mund dhe duhet prevalojnë mbi interesat e “tepsisë”!?-mbyll postimin në rrjetet sociale gazetari Denis Dyrnjaja./CNA.al