Protesta e studentëve/ “10 arsyet pse nuk u mbështet nga ambasadorët”

9 Janar 2019, 17:55, Aktualitet CNA

Ish-kreu i Aleancës Kuq e Zi, Kreshnik Spahiu, në një postim në rrjetet sociale ka renditur dhjetë arsyet pse, sipas tij, ambasadorët nuk mbështetën protestën e studentëve.

?10 arsye, pse ambasadorët nuk e mbështetën protestën studentore?

A ju kujtohet që ambasadorët marrin pjesë edhe në paradat e homoseksualve në bulevard? Po pse ata u fshehën dhe nuk mbështetën mijra studentë??-shkruan ai.

Më tej, Spahiu shprehet se numri i studentëve është zvogëluar në krahasim me ditën e para dhe se këta që vazhdojnë rezistencën janë shumë të guximshëm.

?Ajo çfarë të binte në sy dje dhe sot ishte:

? numri shumë i rrudhur i protestuesve duke e krahasuar me ortekun e ditëve të para,

? studentët që dolën dje për të protestuar paten guximin për të ?trokitur? në dyert e ambasadës amerikane për shkak të heshtjes së faktorit ndërkombëtar gjatë gjithë kohës që zgjati protesta,

-protsta thyu mitin e arrogancës qeveritare dhe nuk lejoi dyshen Basha-Berisha ti afrohet personalisht protestës.?-vijon ai.

Në vazhdim të shkrimit të tij ish-kreu i Aleancës Kuq e Zi rendit dhjetë arsyet pse, sipas tij, ndërkombëtarët e anashkaluan protestën e studentëve.

?Më poshtë po ju rendis disa shkaqe dhe arsye që e detyruan faktorin ndërkombëtar të anashkalojë protestën e studentve:

1- Kërkesat e studentëve ishin 100% orientim i vetëm këtij grupi interesi dhe të izoluara vetëm në fushën e arsimit!

2- Kërkesat e studentëve dhe protestat e kufizuara vetëm me këtë spektër ndodhin rëndom kudo në botë dhe konsiderohen aksione normale dhe jo të jashtëzakonshme,

3- Mungesa e organizimit, strukturimit, strategjisë dhe vizionit afatgjatë të protestës. Media amplifikonte protestën por nuk promovonte figurat e tyre por mbushte sërish ekranet me liderët e vjetër dhe konsumuar Rama-Berisha-Meta.

4- Mos zgjedhja e përfaqësuesve dhe lidershipit, i cili duhet të motivonte protestuesit, organizonte axhendën, dialogun mes palëve të përfshira në ?konflikt?, pra qeveri-studentë, mungesa e imazhit apo lidershipit të lëvizjes sjell fragmentarizimin e saj.

5- Antagonizmi i thellë mes pritshmërisë popullore dhe kërkesave minore studentore. Populli priste një lëvizje anti-establishment, ndërsa studentët kërkonin batanije të reja, dekan të tjerë apo kujdestar konviktesh.

6- Ndërhyrja brutale e forumeve rinore të PS-PD-FRPD, politizimi i protestës që u dirigjua nga liderët e këtyre forumeve. Grupi i të fortëve nga PD-ja i hiqte mikrofonin çdo figure të re që synonte lidershipin

7- Thirrjet e përditshme të Monika Kryemadhit apo Sali Berishës që militantët të mbushnin sheshin bashkë me studentët! Opozita e lodhur dhe e konsumuar synoj të qëroj arrat me duart e studentëve.

8- Ndërprerja e protestës, marrja e pushimeve të ?gjelit të detit? nga ana e protestuesve.

9- Forma e tepruar paqësore, pa thyer asnjë xham, ngjasonte më shumë me piknik se protestë. Kujtojmë këtu se protestuesve ju sigurua ushqim nga partitë opozitare. Krahasuar me francezët, gjermanët, grekët apo rininë europiane këto protesta me vjersha dhe këngë nuk impresiononin as shoferët e qeverisë Rama dhe jo më ndërkombëtarët

10- Dhjetori 2018 ndryshon me ?shekuj? në raport me dhjetorin 1990 sepse nuk tentuan dhe as nuk pickuan dot xhaketat e vjetra. Dhjetori 2018 ishte skenar i vetë establishmentit.?-shkruan në rrjetet sociale Kreshnik Spahiu./CNA.al