E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Problemi që duhet të zgjidhë Basha/ Të gjithë kundër të gjithëve

8 Janar 2019, 13:25, Aktualitet CNA

Në fillim të muajit dhjetor 2018, studentët e Universiteteve publike të Tiranës nisën protestat para Ministrisë së Arsimit. Ndërkohë në mbështetje të studentëve të Tiranës, protesta u shtri edhe në qytetet e tjera universitare, si Vlorë, Korçë, Elbasan, Durres e Shkodër.

Për disa disa ditë më radhë studentët protestuan para Ministrisë së Arsimit, ndërsa më pas ata u zhvendosën edhe para Kryeministrisë. Protesta zgjati për më shumë se dy javë dhe më pas u ndërpre për shkak të pushimeve të fundvitit, për t?u rinisur sërish në 7 janar 2019.

Një protestë që për hir të së vërtetës ishte më madhështorja në këto 28 vite demokraci. Një protestë e cila llaftarisi ministren Nikolla dhe i theu arrogancën kryeministrit Rama, i cili nga etiketimet si ?katranjosë? u detyrua të tërhiqej dhe t?ju lutej e gati t?ju përgjërohej për dialog studentëve.

Dhe nuk është ashtu siç e cilësoi Rama që i dha një ?shuplakë? qeverisë, por në fakt protesta studentore i dha një grusht të fortë qeverisë, dhe bëri që Rama jo vetëm të ofrojë një pakt për Universitetin, por edhe largoi më shumë se gjysmën e kabinetit të tij qeverisës.

Por, nga ana tjetër studentët i dhanë një grusht të fortë edhe opozitës, e cila mundohet të fusë turinjtë në këtë protestë dha ta marrë nën kontroll, por që u refuzua nga studentët.

Ata treguan se janë kundër sistemit. Ata treguan se e keqja që është Edi Rama, por nuk e duan as Lulzim Bashën dhe Monika Kryemadhin, të cilët u dëbuan nga protesta.

Dhe në këtë rast mund të themi që vërtetë ?të gjithë janë kundër të gjithëve?, gjë e cila u tregua edhe në pankartat e studentëve, të cilët i thonin Edi Ramës, se ?ne nuk jemi Lulzim Basha që të ulemi edhe të bëjmë dialog?. Revolta studentore i dha një grusht të fortë të gjithë klasës politike.

Së pari Edi Ramës i cili e përgatiti ligjin e Arsimit të Lartë, së dyti Monika Kryemadhit, e cila e firmosi dhe së treti, Lulzim Bashës, i cili i vuri vulën, duke mos e dërguar në Gjykatën Kushtetuese. Studentët treguan se janë kundër sistemit, ndërsa shqiptarët ishin me studentët. Ata që nuk kanë moral flisnin e bënin moral.

Ky është problemi që duhet të zgjidhë Lulzim Basha sepse është i vetmi kryetar opozite në botë që nuk pranohet nga lëvizje kundër qeverisë./ CNA.al