web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në qeveri/ CNA.al paralajmëroi mosdekretimin e ministrit të Jashtëm

5 Janar 2019, 14:03, Aktualitet CNA

Presidenti Meta ka firmosur sot lirimin e të gjithë ministrave të propozuar nga kryeministri Rama, me përjashtim të ministrit të Jashtëm në detyrë, Ditmir Bushatit.

Presidenca nuk bën me dije arsyet e këtij diferencimi, teksa janë publikuar dekretet e lirimit të Senida Mesit, Lindita Nikollës, Sonila Qatos, Mirela Kumbaros, Arben Ahmetajt, Damian Gjiknurit dhe Niko Peleshit.

Gjithashtu presidenti ka firmosur dekretet e emërimit vetëm për 4  propozimet e Edi Ramës. Meta ka firmosur emërimin e zëvendëskryeministrit të ri Erjon Brace, ministrit për Mbrojtjen e Sipërmarrjes Eduard Shalsi, Ministri i Bujqësisë, Bledi Cuci dhe të ministres së Marrëdhënies me Parlamentin, Elisa Spiropali, ndërsa janë ende pa i firmosur 5 dekrete emërimi, që janë emra të rinj që nuk janë pjesë e parlamentit.

Emrat e mbajtur pezull nga Meta, në pritje të dekretimit janë;
Besa Shahini-Ministre e Arsimit dhe Sportit
Gent Cakaj-Ministër për Europën dhe Punët e Jashtme
Anila Denaj-Ministre e Financave dhe e Ekonomisë
Elva Margariti-Ministre e Kulturës
Belinda Balluku-Ministre e Infrastrukturës dhe Energjisë.

Kujtojmë këtu se CNA.al vetëm pak ditë më parë, paralajmëroi se Ilir Meta pritet që të refuzojë dekretimin e të paktën një prej ministrave të rinj, të emëruar nga Rama.

CNA.al raportoi se Iir Meta mund të refuzojë ministrin e ri të Jashtëm, Genti Caka, i emëruar nga kryeministri Rama.

Presidenti duket të ketë mjaft argumenta në lidhje me ministrin e propozuar nga Rama. Që nga fakti se prej vetëm një viti ka shtetësinë shqiptare, eksperienca e pakët në politikë e diplomaci, si dhe mungesa e çertifikatës së sigurisë për Cakën, janë disa nga argumentat. Pa folur më tej për përballjet me kolegët e rajonit dhe BE-së./ CNA.al

Eksluzive-Meta do tronditë sërish qeverinë/ Nuk do dekretojë ministrin e Jashtëm





Lajmet e fundit nga