web counter
LEXO PA REKLAMA!

SHKARKO APP

App Store
Google Play

E fundit!

x

Video+foto-Aksidentohet prefekti i Korçës/ Ishte i dehur   

5 Janar 2019, 08:21, Aktualitet CNA

Një aksident ka ndodhur rreth orës 14:30 të pasdites së djeshme në fshatin Vlocisht të Korçës, në aksin nacional Korçë-Pogradec.

Mësohet se në aksident janë përfshirë tre mjete, një prej të cilave me targa të huaja.

Burime për CNA.al bëjnë të ditur se në një nga mjetet e përfshira në aksident ndodhej edhe prefekti i qarkut të Korçës, Dhori Spirollari.

Spirollari, i cili ishte pasagjer në një nga mjetet, mësohet të ketë qënë i dehur dhe ka debatuar ashpër me drejtuesit e mjeteve të tjera. Megjithëse rruga ishte e pastruar nga dëbora, burimet bëjnë të ditur se shkak për aksidentin është fakti se asnjë nga mjetet nuk kishte goma dimri, përfshirë edhe automjetin tip Hundai Tucson të prefektit të Korçës.

Prefekti i Korçës, ka debatuar ashpër me drejtuesit e mjeteve të tjera, të cilët përveç aksidentit duhej të dëgjonin edhe brockullat që fliste prefekti nën efektin e alkoolit, dhe për të qetësuar situatën është dashur edhe ndërhyrja e policisë, e cila ka mbërritur në vendin e ngjarjes për të bërë vlerësimin e dëmeve.

Në fillim ngjarja u raportua nga policia si një aksident vetëm me dëme materiale, por burime nga vendi i ngjarjes thanë për CNA.al se në aksident është përfshirë edhe prefekti i Korçës, Dhori Spirollari dhe për më tepër ka qënë edhe i dehur.

Dhe ajo çfarë e bën edhe më skandaloze është fakti se asnjë prej drejtuesve të mjeteve nuk kishin goma dimri dhe zinxhirë, pavarësisht se ARRSH kishte paralajmëruar për ngrica në rrugë. Madje edhe automjeti i vetë prefektit nuk kishte goma dimri./ CNA.al

Moti i keq/ Aksident në aksin Korçë-Pogradec





Lajmet e fundit nga