web counter
LEXO PA REKLAMA!

SHKARKO APP

App Store
Google Play

Akuza e fortë/ Rama ka përjashtuar kompanitë e huaja nga gara për TEC-in e Vlorës

3 Janar 2019, 19:23, Aktualitet CNA

Deputeti i Partisë Demokratike, Agron Shehaj me anë të një postimi në rrjetet sociale ka akuzuar kryeministrin, Edi Rama dhe ministrin e infrastrukturës dhe energjisë në largim, Damian Gjiknuri, në lidhje me koncesionin e TEC-it të Vlorës

Sipas Shehaj, Gjiknuri dhe Rama kanë vendosur të japin me koncesion TEC-in e Vlorës pa asnjë transparence dhe praktikisht kanë përjashtuar kompanitë e huaja.

?PER KONCESIONIN E TEC-IT TE VLORËS RAMA PRAKTIKISHT KA PËRJASHTUAR KOMPANITË E HUAJA

Në orët e fundit të vitit 2018, edhe pse i larguar nga ministër, Damian Gjiknuri ka firmosur hapjen e procedurave për dhënien me koncesion të TEC-it të Vlorës. Me zero transparence, Rama dhe Gjiknuri kanë vendosur që TEC-in e Vlorës, i cili ka kushtuar deri tani mbi 120 milionë euro me paratë e shqiptarëve, për t?u ndërtuar e mirëmbajtur, t?ja japin në pronësi për 20 vjet një privati.
Detajet e këtoj koncensioni do të mësohen në ditët e ardhshme, por ajo që dihet sot është se qeveria kërkon që më datën 15 janar, të gjithë të interesuarit duhet të marrin pjesë në një vizitë në TEC në Vlorë, e cila është e detyrueshme për të marrë pjesë në tender. Se cila kompani e huaj mund të informohet, vlerësojë dhe vendosë brenda dy javësh në periudhë festash të dërgojë përfaqësues në Vlorë të Shqipërisë, e dinë vetëm Rama dhe Gjiknuri.
Është një histori që përsëritet: pasuritë e vendit, pronat publike dhe paratë publike u jepen klientëve të lidhur me qeverinë, gjoja me ?koncesion?, duke rritur me disa fish koston e investimit. Në 15 janar do marrim vesh se cili nga klientët e Edi Ramës do ta marrë këtë dhuratë dhe do të ndajë paratë me ?bamirësin?.?-shkruan Shehaj./CNA.al





Lajmet e fundit nga