web counter
LEXO PA REKLAMA!

SHKARKO APP

App Store
Google Play

E fundit!

x

“Viti i Ri me halle të vjetra”/ Fermerët drejt falimentimit

3 Janar 2019, 17:03, Aktualitet CNA

Kryetari i Partisë Agrare Ambientaliste, Agron Duka në një postim në rrjetet sociale ka shkruar se pavarësisht ndërrimit të viteve e të ministrave, fermerët kanë po të njëjta probleme.

?Viti i Ri me halle të vjetra për fermerët

Ndërrohen vitet, ndërrohen ministrat, por problemet e fermerëve mbeten. Edhe këtë vit janë pa treg, pa subvencione dhe pa orientim. Si Parti Agrare Ambientaliste e kemi kërkuar dhe vijojmë të kërkojmë ngritjen e një Strategjie Kombëtare për bujqësinë, me të cilën të hidhen themelet e një qasje afatgjatë që të afrojë këtë sektor jo vetëm me Rajonin, por edhe me BE-në. Treg në të cilin kërkojmë të integrohemi, por që do të jetë i pamëshirshëm ndaj produkteve tona të pa subvencionuara.?-shprehet ai.

Më tej, Duka thekson se skema mbështetëse e fermerëve nuk mund të jetë vetëm 20 milionë euro, pasi sipas tij fermerëve u bie të marrin vetëm 45 euro dëmshpërblim.

?Në vitin 2019 skema mbështetëse e fermerëve shqiptarë nuk mund të jetë vetëm 20 milion euro, e cila, fatkeqësisht, përkon me shumën që sot jepet për 1 kilometër rrugë. Gjithashtu fermerët shqiptarë nuk mund të konkurrojnë kur atyre u jepet një mbështetje prej 45 euro në vit; ndërsa në Kosovë marrin rreth 460 euro dhe në Maqedoni prekin shumën prej 558 euro në vit.?-thotë kreu i PAA-së.

Në vijim të postimit, Agron Duka shprehet se skema aktuale e financimit të bujqësisë ka rezultuar një dështim total.

?Skema aktuale e financimit të bujqësisë, përmes granteve ka rezultuar një dështim, pasi në vitin 2018 është realizuar vetëm 5% e planit. Konkretisht nga 2.6 miliardë lekë të akorduara për këtë qëllim, janë shpërndarë vetëm 164 milionë lekë.?-shkruan ai.

Në fund të postimit kreu i PAA-së tregon edhe se si mund të përmirësohet skema mbështetëse ndaj fermerëve.

Për përmirësimin e skemave të mbështetjes, të cilat duhet të synojnë përfshirjen e një numri gjithnjë e më të madh fermerësh, Partia Agrare Ambientaliste prej kohësh sugjeron që ato të bazohen mbi pagesa direkte dhe plotësuese, të llogaritura mbi:





Lajmet e fundit nga