web counter
LEXO PA REKLAMA!

SHKARKO APP

App Store
Google Play

E fundit!

x

Tragjedia në Ballsh/ Zbardhet dëshmia tronditëse e autorit

3 Janar 2019, 09:07, Aktualitet CNA

Një ngjarje e rëndë ka tronditur Ballshin pasditen e djeshme, ku një 34-vjeçar, i cili kishte vetëm dy ditë që kishte ardhur nga Greqia, ka vrarë me thikë bashkëshorten dhe kunatën.

Mësohet se sherri ka nisur mes çiftit, pasi gruaja ka kërkuar të shkojë për vizitë tek prindërit, por leja është refuzuar nga bashkëshorti.

Sipas Report TV, Gazment Musta ka deklaruar para grupit hetimor se shkak nuk ka qenë xhelozia, por kërkesa e saj për të shkuar te prindërit. Ai është shprehur se nuk e lejoi gruan që të shkonte te prindërit e saj për Vitin e Ri, pasi nuk kishte marrëdhënie të mirë me vjehrrin dhe vjehrrën.

?Ajo më kërkoi që të shkonte te prindërit, por nuk e lejova, pasi nuk shkoja mirë me ata? mësohet se ka thënë autori. Në momentin që kreu vrasjen e gruas dhe kunatës, babai i dy fëmijëve 3 dhe 7-vjeç ishte i dehur. Musta kishte qenë te prindërit e tij në fshatin Drenovë për festat dhe kur u kthye gjeti në banesë gruan dhe kunatën, e cila kishte ardhur që të merrte motrën për të shkuar te prindërit.

Kërkesa e bashkëshortes u refuzua nga 34-vjeçari, që kishte vetëm dy ditë që kishte ardhur nga Greqia. Pas sherrit, Musta e goditi gruan Gentiana Caushaj, 31-vjeçe, me thikën e bukës disa herë duke e lënë të vdekur, ndërsa kunata Merisa Caushaj, 18-vjeçe, ndërhyri për të shpëtuar motrën, por mbeti e vdekur.





Lajmet e fundit nga