web counter
LEXO PA REKLAMA!

SHKARKO APP

App Store
Google Play

Rrëfimi/Depresioni nuk është dembelizëm

1 Janar 2019, 17:40, Aktualitet CNA

Kam dëgjuar shumë për depresionin, më kanë folur aq  shumë.

Disa e quanin ?freski?, sikur të mos kisha gjë më të mirë për të bërë, më kanë thënë të mos mendo gjëra pa kuptim, më kanë thënë puno më shumë, studio më shumë, më kanë thënë boll jetove në çmenduri.

Më kanë thënë ti bën viktimën, më kanë thënë që përdorja termin depresion për të ngjallur mëshirë dhe keqardhje tek të tjerët.
Disa prej tyre , të bezdisur nga lotët e mi më sugjeruan edhe një psikiatër.

Ajo që askush nuk kuptonte ishte frika që ndjeja, frika për të folur mbi dhimbjet e mia, mbi peshën e ankthit që më mbante zgjuar e arratisjen në gjumë, për të harruar dhimbjen dhe për t?a bërë kohën që të ecte më shpejt.

Ishte një betejë e përditshme, përballesha çdo ditë me copat e vetvëvetes, pasi nuk isha më e plotë.Nuk kisha fuqi të flisja, të përshëndesja njerëzit, aq më pak të vishesha. Shihesha në pasqyrë, pizhamat e vjetëra nuk më interesonin, rrëmuja ishte më e madhe brenda meje.

Oh sa do të doja që të ishte ?fresk?, ashtu si thonin të tjerët, që të ishte thjesht mërzi. Askush nuk e kishte kuptuar që kisha humbur veten dhe jetoja në zhgënjim.Ata nuk e shihnin luftën time të përditshme, si mundohesha çdo ditë për të kthyer faqen, por nuk mundja, isha e pafuqishme para dhimbjes./Cna.al





Lajmet e fundit nga