web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi mblidhet në 21 janar/ Ministrave të rinj do t'i duhet të presin dekretimin

29 Dhjetor 2018, 16:41, Aktualitet CNA

Kryeministri Edi Rama nuk ia ka dërguar ende emrat e kabinetit të ri qeveritar presidentit Ilir Meta, edhe pse ka kaluar një ditë nga mbledhja e Asamblesë.

Burime nga  qeveria bëjnë e dije se nuk ka arsye për nxitim, pasi edhe nëse ndodh që ministrat të dekretohen brenda ditës nga Meta, për miratimin e tyre duhet të pritet nisja e sesionit të ri Parlamentar më 21 janar.

Ndrësa mëngjesin e sotëm kreu i qeverisë mblodhi Kryesinë e Partisë Socialiste, e cila konfirmoi vendimet e marra një ditë më parë në Asamble.

Më tej në mbledhjen e sotme të Kryesisë u vendos që para nisjes së Parlamentit të përcaktohen edhe emrat e atyre që do të zëvendësojnë ministrat në drejtimin e komisioneve parlamentare që do të lënë bosh.

Drejtimin e Komisionit të Ekonomisë dhe Financave në vend të Erion Braçes pritet ta marrë Arben Ahmetaj, i cili largohet nga qeveria, ndonëse që nuk përjashtohet as Ervin Bushati. Partia Socialiste duhet të zëvendësojë edhe Eduard Shalsin në krye të Veprimtarisë Prodhuese dhe Bledi Çuçin si n/kryetar i Komisionit të Integrimit dhe Bashkëkryetar i Komisionit të Posaçëm për Reformën Zgjedhore, shkruan Top Channel.

Teksa kanë ngelur vetëm 180 ditë nga zgjedhjet, theksi i mbledhjes së Kryesisë, që zgjati rreth një orë, ishte përgatitja për garën e ardhshme elektorale.

Pushimet e fundvitit për mazhorancën do të jenë të shkurtra, pasi më 4 janar, me mbledhjen e Këshillave të Koordinimit në territor, me një kalendar përgatitjesh që përfundon me thirrjen e Kongresit më 23 Mars.

Kryesia e Partisë Socialiste ka vendosur që deri në Kongres mazhoranca të ketë ndarë përfundimisht se cilët do të jenë kryebashkiakët që do të rikandidojnë dhe cilët do zëvendësohen me të rinjë./CNA.al





Lajmet e fundit nga