“Ka rënë tërmet”/ Artan Fuga vë me “shpatulla pas muri” qeverinë dhe opozitën

19 Dhjetor 2018, 14:23, Aktualitet CNA

Akademiku i njohur, Artan Fuga vijon të reagojë fort në lidhje me situatën në sistemin arsimor në Shqipëri.
Në një postim në rrjetet sociale, Fuga ndërsa thekson mungesën e transparencës në lidhje me fondet për universitetin, vë me shpatulla pas muri qeverinë dhe opozitën.
?A ka ministër ekonomie ky vend apo jo?
A ka komision parlamentar ekonomie?
A ka borde financiare?
A ka departament ekonomie opozita??-shkruan Fuga.
Më tej, professor Fuga shkruan se ?më thonë se Universiteti i Tiranës paska paguar për projektimin shuma marramendëse. Ndërkaq që ka vite që as bëhet fjalë për kampus!
Eshtë e vërtetë dhe sa ka qenë kjo shumë dhe kush e ka marrë këtë vendim, dhe kujt i është paguar e përse parapaguar?
Eshtë e vërtetë apo jo? Do të doja mos ishte se poqese është atëhere ka rënë tërmet.?
Postimi i plotë i Fugës:
A ka ministër ekonomie ky vend apo jo?
A ka komision parlamentar ekonomie?
A ka borde financiare?
A ka departament ekonomie opozita?
——————————–
Kërkoj prej muajsh transparencë dhe nuk e gjej!
E dinë miqtë e mi senatorë në Universitetin e Tiranës.
A mund të më ndihmojë njeri?
Ndonjë deputet, ndonjë ministër, ndonjë gazetar, a ndonjë kryetar partie opozitare?
Kam dëgjuar se :
1. Për kampusin universitar që gjoja do të ngrihej në Tiranë, dhe që për mua nuk duhet kurrë të ngrihet në formën e një korpusi gjigandoman që fsheh abuzime, më thonë se Universiteti i Tiranës paska paguar për projektimin shuma marramendëse. Ndërkaq që ka vite që as bëhet fjalë për kampus!
Eshtë e vërtetë dhe sa ka qenë kjo shumë dhe kush e ka marrë këtë vendim, dhe kujt i është paguar e përse parapaguar?
Eshtë e vërtetë apo jo? Do të doja mos ishte se poqese është atëhere ka rënë tërmet.
2. Terrenet sportive të Universitetit të Tiranës i ka marrë Bashkia e Tiranës dhe i ka nxjerrë krejtësisht nga funksioni që kanë pasur.
Eshtë e vërtetë? Kush e ka dhënë atë urdhër, kush e ka pranuar këtë gjë, kush i merr paratë nga përdorimi i atyre terreneve sportive jo për funksionin e tyre por për parkingje a ku e di unë se cfarë tjetër?
3. Thonë që megjithëse kemi një agjenci akreditimi që e paguajnë familjet e studentëve sa frëngu pulën, erdhi një agjenci angleze, e lodhur dhe e plakur, që na e bëri si deshi! Ndonëse zotërinjtë shumë të lodhur nuk dinin asnjë fjalë shqip!
Thonë që nga xhepat e studentëve fluturuan të tjera miliona e dhjetra miliona!
Mund ta dimë sa u pagua, kush i pagoi, dhe kush e vuri cmimin e këtij shërbimi që po na rezulton një fiasko e plotë!
4. Thonë që konviktet i ka marrë në administrim a pronësi Bashkia Tiranë. A ka ndokush ndonjë ide sesa janë fitiumet që merren nga dhënia me qira e dhomave dhe se çfarë do Bashkia Tiranë që u bie në qafë universiteteve duke u marrë shërbimeve universitare një burim të ardhurash?
Di njeri përsa më sipër?
5. Studentët kanë në programet universitare gjuhë të huaj. Megjithatë në nivel masteri më thuhet se atyre u kërkohet të japin provime në agjenci private.
Di njeri kush e ka marrë këtë urdhër? Përse nuk njihet diplioma universitare me provimin përkatës?
Sa parà kanë qarkulluar në vit dhe kush i merr këto para?
6. Ka vite që shkollat doktorale nuk funksionojnë?
A ka ndokush një informacion sa është fitimi i munguar i universiteteve publike nga kjo mbyllje dhe ky mosfunksionim?
Kush e mban përgjegjësinë për këtë fitim të munguar që duhet të ketë arritur qindra milionë lekë në vit?
6. Bibliotekë për studentët nuk ka.
A mundet dikush të llogarisi sesa lekë shkojnë në xhepat e privatëve që komandojnë ministren e kulturës direkt nga xhepat e studentëve për të blerë libra që duhen si buka e uji, por që nuk gjenden në biblioteka?
Sa lekë në vit, sa miliarda shkojnë në xhepat e privatëve për shërbim të universiteteve publike?
A ka ministër të ekonomisë ky vend apo jo?
A ka borde ky vend apo jo?
Pse na tregojnë llogje në vend të llogarive?