web counter
LEXO PA REKLAMA!

SHKARKO APP

App Store
Google Play

E fundit!

x

Meta thirrje klasës politike/ Le të punojmë të gjithë bashkë

18 Dhjetor 2018, 18:44, Aktualitet CNA

Presidenti Ilir Meta ka marrë pjesë në veprimtarinë e organizuar në Tiranë me rastin e Ditës Ndërkombëtare të Migracionit, të zhvilluar nga Organizata Ndërkombëtare për Migrimin (IOM), që festoi 25-vjetorin e themelimit në Shqipëri.

Gjatë fjalës së tij, referuar sondazhit ?Gallup?, shifrat e të cilit e rendisnin Shqipërinë të katërtën në botë për prirjen për migrin, Meta është shprehur se kjo situatë është një kambanë alarmi që meriton vëmendje maksimale dhe analizë të thelluar.

Meta i ka bërë thirrje klasës politike që të bashkohen për të punuar në interes të të rinjve, duke u krijuar atyre kushte dhe mundësi më të mira për arsimim dhe punësim.

?Të dhënat e ?Gallup?, të publikuara javën e kaluar, ku Shqipëria renditej në vendin e katërt në botë me prirjen më të lartë për emigrim, padyshim janë shumë shqetësuese.

Kjo është një këmbanë alarmi që meriton vëmendje maksimale dhe analizë të thelluar mbi shkaqet dhe motivet që i shtynë bashkëqytetarët tanë drejt kësaj vendimmarrjeje të dhimbshme e dëshpëruese.

Ky fenomen, përveç se mplak Shqipërinë dhe shoqërinë tonë, varfëron burimet më të mira profesionale dhe intelektuale duke dekurajuar zhvillimin e qëndrueshëm dhe më të shpejtë të vendit.

Edhe Fondi Monetar Ndërkombëtar vërejti me shqetësim se Shqipëria ka nevojë për rritje më të lartë ekonomike dhe investime në sektorë prioritarë, si arsimi dhe shëndetësia për të zbutur prirjen e popullsisë për të emigruar.

Ndaj le të punojmë të gjithë së bashku për t?u dhënë më shumë besim, sidomos të rinjve, duke u krijuar atyre kushte dhe mundësi më të mira për arsimim dhe punësim, që të shprehin potencialet e tyre të vërteta në vend, por edhe potencialet e të gjithë vendit për një zhvillim më të mirë e më të qëndrueshëm?,- ka thënë ndër të tjera Presidenti Meta.





Lajmet e fundit nga