web counter
LEXO PA REKLAMA!

SHKARKO APP

App Store
Google Play

E fundit!

x

Protestë masive/ Zbulohet plani i studentëve për nesër

16 Dhjetor 2018, 15:57, Aktualitet CNA

Studentët kanë paralajmëruar se ditën e nesërme do të ketë protestë masive, ku janë ftuar të marrin pjesë të gjithë qytetarët e Shqipërisë.

Ata vazhdojnë të kërkojnë plotësimin e tetë kërkesave dhe në asnjë mënyrë nuk pranojnë ftesën e Kryeministrit Edi Rama për dialog.

Ndërsa një pjesë e të rinjve vazhdojnë të qëndrojnë ende jashtë, mësohet se studentët pritet të bojkotojnë sërish mësimin.

Protesta e studentëve do nisë në orën 9:00 të mëngjesit në fakultete, ndërsa në orën 11:30 ata do bashkohen para Kryeministrisë.

?Nesër, 17 dhjetor protesta vazhdon në Fakultete (9-11) dhe më pas para Kryeministrisë. Në orën 9-11 organizohemi përpara fakulteteve për të ndërgjegjësuar çdonjërin nga ne  mbi kauzën tonë të drejtë.?-shkruhet në njoftimin e studentëve.

Me tej ata shprehen se nuk do të ketë përfaqësues të caktuar paraprakisht, por do flasin studentë të ndryshëm.

?Studentët të pajisur me foni do të shpalosin në detaje kërkesat e tyre specifike për arsim cilësor. Folës të ndryshëm nga të gjitha programet e studimit dalin dhe denoncojnë me forcë problemet tona, padrejtësinë që na bëhen përditë, të cilat duhet të marrin fund. Studentët artikulojne kërkesa specifike për autoritetet drejtuese të Fakulteteve/Universiteteve. Përfaqësues nga fakultete/Universitete të tjera përshëndesin protestën dhe prezantojnë problemet e përbashkëta?- shkruhet në njoftimin për protestën e studentëve për ditën e nesërme./CNA.al





Lajmet e fundit nga