E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

Pensionistët/ Këto janë datat kur do jepen dhuratat e fundvitit

16 Dhjetor 2018, 14:23, Aktualitet CNA

Drejtori i Përgjithshëm i Institutit të Sigurimeve Shoqërore, Astrit Hado, në një postim në rrjetet sociale, njofton të gjithë pensionistët se duke nisur nga e hëna, do fillojë pagesa e shpërblimit të festave të fundvitit.

?Mbështetur në VKM nr. 732, datë 12.12.2018 ?Për shpërblimin e pensionistëve për festat e fundvitit, 2018?, Instituti i Sigurimeve Shoqërore në bashkëpunim me Postën Shqiptare sha, duke filluar nga dita e hënë, datë 17 dhjetor 2018, do të fillojë pagesën e shpërblimit të festave të fundvitit për pensionistët, në masën 5,000 lekë.?-shkruan ai.

Në postimin e tij Astrit Hado bën me dije se çdo ditë deri në orën 14:00 do procedohet me pensionet, ndërsa pas kësaj ore do shpërndahen shpërblimet.

?Çdo ditë, deri në orën 14:00, do të realizohet pagimi i pensionit dhe shpërblimi për ata pensionistë që kanë datën e tërheqjes së pensionit dhe pas kësaj ore do të paguhet shpërblimi për pensionistët që e kanë tërhequr pensionin para kësaj date, sipas grafikut të mëposhtëm.?-vijon ai.

Ndër të tjera ai thekson se ata persona, të cilët tërheqin pensionet në banka të nivelit të dytë masa e shpërblimit do t?iu transferohet ditën e enjte.

Pensionistët që e tërheqin pensionin pranë bankave të nivelit të dytë, në datën e pagesës së pensionit 20.12.2018, do t?iu transferohet edhe masa e shpërblimit.-deklaron drejtori i sigurimeve.

Ndërsa për ata që tërheqin pesionin në zyrat postare në fshatra, Astrit Hado bën me dije se shpërblimi do paguhet duke filluar nga dita e martë.

?Për pensionistët që e tërheqin pensionin në zyrat postare në fshatra, shpërblimi do të paguhet sipas datave të pagesës së pensioneve, duke filluar nga data 18 dhjetor e në vazhdim.?-shkruan ai.

Drejtori i sigurimeve sqaron se të gjithë ata që s?do mund ta tërheqin shpërblimin deri më 29 dhjetor, do mund ta marrin atë bashkë me pensionin e janarit.

?Të gjithë ata që nuk do të mund ta tërheqin këtë shpërblim deri më 29 dhjetor, do të mund ta marrin atë bashkë me tërheqjen e pensionit në muajin Janar 2019 e në vazhdim, pasi faturat janë të gjeneruara.?-mbyll postimin Astrit Hado./CNA.al