E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Ikjet që prishën Kuvendin e Republikës së Re

16 Dhjetor 2018, 11:27, Aktualitet CNA

Dje zhvilloi punimet Kuvendi Kombëtar i PD-së, që në fakt mund të quhet Kuvendi i parë i Republikës së Re të Lulzim Bashës.

Përtej planeve të Lulit, kuvendi mori një tjetër formë, atë të bojkotit dhe refuzimit.

Një Kuvend pa forum që filloi dhe mbylli punimet si një vaki, ku dukej qartë që Basha nuk entuziazmonte më demokratët, dhe një mërzi dhe frikë ndjehej kudo.

Jo frikë nga Edi Rama dhe qeveria, por nga vetë kryetari i partisë, që siglën e PD-së tashmë e ka kthyer në një instrumet pazari me qeverinë, deri tek pasuritë dhe dëmshpërblimin e vjehrrit të tij.

Kuvendi që pritet të ishte simboli i bashkimit dhe një fryme të fortë anti-qeveritare, dje në vend që të ishte një shenjë e fortë për lëkundjen e qeverisë nga opozita, u kthye në lekundjen e fortë të vetë Lulzim Bashës.

Jo vetëm fakti pse u penguan i lodhur nga një fjalim i dobët, që nuk kishte asgjë për të mbajtur mend, por gjithccka Lulzimin e tronditi, që herët në mëngjes.

Zëdhënsja e Sali Berishës e refuzoi publikish dhe kërkoi të largohej nga lista e kandidatëve.

E njëjta situatë ndodhi edhe me dhjetra antarë të tjerë të Këshillit Kombëtar dhe kryesisë, si Edit Harxhi, Edvin Kulluri, Arben Skënderi, Fabjan Topollaj e shumë të tjerë. Një listë e gjatë dorëheqjesh, që po ti lexoje të gjithë kishin po të njëjtën fjali, ?nuk kam qenë në dijeni të kandidimit, nuk dua të jem pjesë e farsës?.

Të gjithë ata të dorëhequr që në fakt nëse në PD-ja do ekzistonte demokracia dhe jo fasada e farsa, sot do ishin fitues edhe pse mund të mos donte Luli.

Në fakt dorëheqjet e tyre ishin një shuplakë që nuk ndalej. Shuplakë për Bashën, stafin e tij dhe pa asnjë diskutim dhe për vetë liderin historik Sali Berisha, i cili dje kuptpoi qartë që nuk e shpëton dot të zgjedhurin e tij të pazotë që po e braktisin çdo ditë.

Një braktisje në momentin, kur të gjithë duhet të ishin me sytë nga opozita, një vetmi dhe refuzim masiv për kryetarin e Republikës të Re, njeriut të vetëm në histori që rinia nuk e pranon megjithëse kanë në përfundim të njëjtin qëllim përballjen me Edi Ramës, secili sipas mënyrës së vetë.

E për ata që vërtet ende shpesojnë tek PD-ja, e jo tek Basha dhe nuk i ndahen asaj sigle, duket të kuptojnë se dje ishte finalizimi i një procesi ndarje jo vetëm brenda asaj force, por largimi dhe distancë edhe më e madhe me shqiptarët, kjo nga një kryetar partie që tashmë ka vetëm një hap final ndryshimin e emrit nga PD në Republike të Re.

Dje zhvilloi Kuvendin e parë, sot do nxjerrë amalgamën e tij, gatuar në zyrat e familjes, një Këshill Kombëtar që nuk i duhet as dreqit, sipas vetë Bashës, sepse një katër vite kryetar atë Këshill që ishte e thirri vetëm njehërë.

Prandaj të ishe në lista kandidat edhe të zgjidheshe nuk kishte asnjë peshë dhe interes pasi qëllimi i Bashës në atë Kuvend nuk ishte zgjedhja e një forumi drejtues, por festa e parë e Republikës së Re, që u prish nga dorëheqjet që pritet të mos ndalen edhe me shpalljen e fituesve./ CNA.al