web counter
LEXO PA REKLAMA!

SHKARKO APP

App Store
Google Play

E fundit!

x

Amnistia/ Të burgosurit e Reçit peticion ministres së Drejtësisë dhe presidentit

16 Dhjetor 2018, 11:21, Aktualitet CNA

Të burgosurit e Reçit të Malësisë së Madhe i kanë dërguar letër ministres së Drejtësisë Etilda Gjonajt dhe presidentit Ilir Meta për zgjerim të amnistisë në festat e fundvitit.

Të dënuarit në Institucionin e Ekzekutimit të Vendimeve Penale në Reç e kanë bazuar kërkesën e tyre në të njëjtën çështje si të burgosurit e tjerë, pra në vendimet e padrejta të gjykatësve.

?E nderuar Ministre duke qenë se në sistemin gjyqësor kemi marr vendime të padrejta dhe abuzive dhe në pamundësi për rishqyrtimin e të gjitha dosjeve, kërkojmë nga ana juaj që amnistia të prek të gjithë kategoritë e të dënuarve përjashtuar të dënuarit për terrorizëm, ata për dhunë në familje, përdhunim dhe shfrytëzim prostitucioni?.-shkruhet në letrën e tyre.

Ky peticion mban firmat e plot 64 të dënuarve në burgun e Reçit, shumica prej të cilëve nuk përfshihen në amnistinë e paralajmëruar për festat e fundvitit.

Ky draft i cili ende nuk është miratuar parashikon amnisti për 900 të burgosur të këtij burg  ku përfshihen të dënuarit deri në tre vite që kanë marr vendimin e formës së prerë deri më 30 nëntor 2018, ata që iu ka mbetur edhe dy vite nga dënimi, për femrat mbi 50 vjeç dhe për meshkujt mbi 60 vjeç.

Po ashtu nga amnisti përfitojnë edhe personat të cilët në kohën e kryerjes së veprës penale kanë qenë 18 vjeç ose më pak se kaq.

Nga parashikimi i amnistisë përjashtohen të dënuarit për krime kundër njerëzimit, për krime seksuale, vepra penale kundër, moralit, dinjitetit, fëmijëve dhe familjes,si edhe ata që kanë kryer krime zgjedhor dhe ata të cilët i janë shmangur drejtësisë.





Lajmet e fundit nga