Shokon studimi/ Një në tetë të rinj shfaq probleme të shëndetit mendor

8 Dhjetor 2018, 17:11, Lifestyle CNA

Anglia duket se po vuan një valë të problemeve që lidhen me shëndetin mendor, sipas studimit me titull, “Mental Health of Children and Young People in England, ose shqip Shëndeti mendor i fëmijëve dhe të rinjve në Angli.

Studimi i publikuar ditën e enjte, nga Shërbimi kombëtar i shëndetit, hedh dritë mbi gjendjen e të rinjve, duke ekspozuar problemet që kanë këta të fundit me shëndetin mendor.Sipas të dhënave më shumë se 9000 të rinj nga mosha 5 deri në moshën 19 vjeç vuajnë ose kanë tendenca të zhvillojnë problematika, që lidhen me shëndetin mendor.

Një në gjashtë të rinj nga mosha 17-19 vjeç vuan nga nja çregullim i shëndetit mendor, grupi më i rrezikuar nga këto sëmundje janë vajzat e reja të moshës nga 17-19 vjeç, faktori i riskut për këtë grupim sipas studimit është afërsisht 1 në 4 persona.

Problemet e shëndetit mendor ndahen në katër kategori: emocionale, sjellore, hiperaktivitet dhe disa çregullime të tjera më pak të zakonshme.

Këto probleme janë më pak të zakonshme në grupmoshat më të vogla, megjithatë sipas studimit vihet re një rritje e lehtë e fenomenit. Në grupmoshën nga 5- 15 vjeç vihet re një rritje e shifrave me 1. 1 përqind. Nga 10.1 përqind në vitin 2004, në studimin e vitit 2017, shifra ka arritur në 11.2 përqind

Dennis Ougrin, psikolog që punon me fëmijët dhe të rinjtë dhe fëmijët në një prej fjalimeve të tij në Institutin e Psikiatrisë tha se pavarësisht rritjes së përgjithshme të shifrave, situata nuk është aq keq sa duket.

Fëmijët me probleme të shëndetit mendor janë zakonisht ata që përdorin shumë rrjetet sociale dhe ndikohen shumë nga postimet që shohin aty, shtoi ai.

Sipas raportit, vajzat e reja janë tre herë më të rrezikuara se djemtë e të njëjtës moshë nga problemet e shëndetit mendor.

Problemet emocionale si depresioni dhe ankthi, kanë tendencën të bëhen më të zakonshme me rritjen e moshës dhe janë më të prekshme tek vajzat se sa tek djemtë.

? Vajzat e moshës nga 17 deri në 19 vjeç, vuajnë nga sëmundjet mendore dy herë më shumë se çdo grupim tjetër i studiuar,? thotë raporti.

Ato gjithashtu janë më shumë të predispozuara që të kryejnë akte vetlënduese, gati 52,7 përqind e tyre sipas raportit i kanë mbijetuar një tentative vetvrasje./Cna.al