E fundit!

18:07 Politikë

“Nuk duhen diagramat e Reformës Territoriale”/ Boçi: Protesta qytetare prej pakënaqësive në nivel politik

Bashkëkryetari i Komisionit për Reformën Territoriale, Luç...

U shpall “Gruaja e vitit”, këngëtarja prek me fjalimin e saj: “Viti më i mirë i karrierës, por më i keqi i jetës”

8 Dhjetor 2018, 19:45, Lifestyle CNA

Pak kohë më parë, Billboard Awards shpalli fituese të ?Gruaja e vitit?, këngëtaren e njohur Ariana Grande. Ditën e djeshme u mbajt dhe ceremonia e eventit për të dhënë të gjitha çmimet. Si fillim, Ariana na surprizoi me zgjedhjen e veçantë të fustanit, si gjithnjë. Por ai që mbeti në mendje ishte pikërisht fjalimi i saj, sa i ngatërruar, aq edhe i sinqertë. Pavarësisht se ajo mendonte se nuk e meritonte këtë çmim, falenderoi të gjithë njerëzit që e kanë mbështetur.

?Kjo është vërtetë speciale. Dua të them që më duket interesante se si ky ka qenë një ndër vitet më të mira të karrierës sime dhe më i keqi në jetë. Nuk po e them këtë për simpatinë tuaj, por thjesht sepse ndihem sikur ka shumë njerëz që shohin dikë në pozicionin tim tani, pra si Gruaja e vitit, një artiste që është në majat e saj dhe të duan ta arrijnë dhe të mendojnë ?Ajo i ka gjërat në vijë, ka gjithçka në rregull?. I kam, por përsa i përket jetës sime personale, realisht nuk e kam idenë se çfarë dreqin po bëj. Prandaj është shumë kontradiktor. Dhe dua thjesht të them që nëse je dikush aty jashtë që nuk e ka idenë se çfarë do i sjellë kapitulli i radhës, nuk je vetëm.?- ka thënë Grande duke u munduar të mos përlotet.

Më pas ajo u shpreh se me shumë shpresë po pret të përballojë çdo gjë që do i sjellë jeta.

?Po shpresoj të mësoj të jap pak nga dashuria dhe falja që i kam dhënë pa menduar dhe lehtazi djemve në të shkuarën, t?ja jap vetes. Kam gjithçka që kam ëndërruar dhe së fundmi kam kuptuar që janë gjërat dhe njerëzit që gjithnjë kam pasur që më bëjnë të lumtur.?- përfundoi këngëtarja.

Këto fjalë tregojnë realisht se mund të tejkalosh çdo vështirësi në jetë dhe të arrish qëllimet e tua. Ariana publikoi një këngë hit me një videoklip po aq të suksesshëm, por njëkohësisht u përball me vdekjen e ish të dashurit dhe ndarjen nga Pete.