E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Partneret ndër vite të Ardit Gjebreas në “Këngën Magjike” (FOTO)

7 Dhjetor 2018, 09:40, Lifestyle CNA

Ishte viti 1999 kur festivali ?Kënga Magjike? u transmetua për herë të parë, si një nismë e producentit Ardit Gjebrea, i cili solli një frymë ndryshe në muzikën shqiptare, që ende vijon të mbetet gjallë dhe të shijohet edhe sot.

Duke qenë se jemi në prag të natës së parë të Këngës Magjike 2018, ne po rikthehemi pas në historinë e festivalit, për t?ju kujtuar vit pas viti, prezantueset që qëndruan në krah të Ardit Gjebreas nga viti ?99 deri më 2018-n.

Këtë vit ashtu siç u përfol, janë dy femra tërheqëse që do të kenë shansin të prezantojnë përkrah moderatorit të njohur Ardit Gjebrea. Moderatorja Bora Zemani dhe balerina Klaudia Pepa vijnë për herë të parë në këtë skenë të madhe të ?Këngës Magjike?.

Më poshtë do të ndiqni se cilat kanë qenë bashkëprezantueset ndër vite që ndanë skenën me Arditin në festival:

Viti 1999: Valbona Selimllari dhe Venera Mustafa. Producenti dhe prezantuesi i festivalit, Ardit Gjebrea u shfaq në skenë me dy vajza simpatike në krah, dy miss-et , që bashkuan Kosovën me Shqipërinë: Valbona Selimllari dhe Venera Mustafa.

Viti 2000: Sabine Blumayer Festivali do të mbahet mend për rikthimin në skenë, për herë të parë pas një mungese 15-vjeçare, të Nexhmije Pagarushës. Gjatë tri netëve, dialektet e shqipes u përzjenë edhe me një theks gjerman, që vinte nga bashkëprezantuesja e Gjebresë, Sabine Blumayer.

Viti 2001: Kristen Pizani, Brigitte Serveni dhe Natalia Estrada Bukuroshja gjermane Sabine Blumayer do të hapte traditën e një të ftuare nga jashtë kufijve. Kështu në vitin 2001, tre femra të huaja arritën të përcillnin nga skena e Pallatit të Kongreseve emocionet e një festivali shqiptar. Kristen Pizani dhe Brigitte Serveni do të tregonin ndër të tjera edhe aftësitë e tyre për të folur shqip, ndërsa e mirënjohura Natalia Estrada do të shkëlqente me gjithë impulsivitetin dhe energjinë mesdhetare në natën finale, në krah të prezantuesit Ardit Gjebrea.

Viti 2002: Natalia Estrada Për të dytin vit radhazi Natalia Estrada viziton Tiranën. Tashmë e familjarizuar me skenën dhe spektatorin, ajo është në gjendje, jo vetëm të vallëzojë e të thotë fjalë në gjuhën shqipe, por edhe të këndojë në gjuhën tonë.

Viti 2003: Brigitte Nielsen Përkrah Ardit Gjebreas qëndron këtë radhë Brigitte Nielsen, një bionde e gjatë dhe elegante që ka ditur të elektrizojë sallën, jo vetëm me fjalët në gjuhën shqipe, por edhe me performancat karakteristike. Ajo ka qenë e dashura e aktorit Sylvester Stallone.

Viti 2005: Denada Dajlani Suksesi i festivalit sa vinte edhe shtohej nën drejtimin e producentit Ardit Gjebrea, i cili si prezantuese kishte zgjedhur bukuroshen shqiptare Denada Dajlani.

Viti 2008: Artemisa Ozaj & Anis Brahimi. Bukuroshja kaçurrelëse Artemisa Ozaj u përzgjodh bashkë me Anis Brahimin, për të shoqëruar Arditin në skenë.

Viti 2009: Carmen Gjani dhe Katia Kongoli. Në këtë festival, përgjatë tri netëve në Pallatin e Koncerteve në krah të prezantuesit Ardit Gjebrea ishin Carmen Gjani dhe Katia Kongoli, njëra rumune e tjetra ukrainase.

Viti 2010: Andresa dhe Kelly Goc. Në krah të prezantuesit Gjebrea këtë vit ka qenë braziliania Andresa Soares Ambrozio Fagundes dhe amerikania Kelly Goc.

Viti 2011: Aktorja Songül Öden. Supriza e këtij viti ka qenë pa dyshim pjesëmarrja në bashkëprezantim e aktores turke Songül Öden e njohur nga shqiptarët si personazhi i Gymysh.

Viti 2012: Olta Gixhari dhe Armina Mevlani, ishin dy bukuroshet që prezantuan në krah të Arditit.

Viti 2013: Mariela Berliku dhe Ervisa Lati. Ishin dy prezantuese, të zgjedhura nga produksioni i festivalit në mënyrë rastësore, përgjatë një ?audicioni?, të realizuar në ambientet publike të kryeqytetit. Vajzave iu bashkuan edhe aktorët Vini dhe Ermali që përcollën emocion me batutat e tyre.

Viti 2014: Prezantuesit e INTV: Rudi, Mateo dhe Nevina Shtylla, ishin risia e vititi 2014, ku të rinjtë spikatën me aftësitë e tyre në moderim duke u bërë pjesë e spektaklit.

Viti 2015: Almeda Abazi, ish-miss Shqipëria, e cila dëshmoi dhe aftësitë si ?show-girl? me kërcim.

Viti 2016: Princesha Elia Zaharia, ishte surpriza e vitit 2016. Për herë të parë në skenë si prezantuese, Elia mahniti me aftësitë e saj në moderim dhe pamjen e një princeshe që mbahet mend edhe sot e kësaj dite.

Viti 2017: Dy femra dhe dy meshkuj të njohur të ekranit shqiptar, moderatoret Nevina Shtylla dhe Arjola Shehu si dhe aktorët Bes Kallaku dhe Erion Isaji prezantuan krah Arditit, duke i dhuruar një frymë më humoristike festivalit.