web counter
LEXO PA REKLAMA!

SHKARKO APP

App Store
Google Play

E fundit!

x

Lind fëmija i parë pas transplantit të mitrës nga një grua e vdekur

5 Dhjetor 2018, 22:20, Lifestyle CNA

Një vajzë e shëndetshme ka lindur pasi nëna e saj i është nënshtruar transplantit të mitrës. Mitra është marrë nga një grua tashmë e vdekur.

Operacioni i transplantit ka zgjatur rreth 10 orë,pas tij nëna 32 vjeçare e lindur pa mitër i është nënshtruar një trajtimi fertiliteti.

Ka pasur rreth 39 transplante mitre nga gratë e   gjalla, por transplantet e mitrës së grave të vdekura,shpesh kanë dështuar, ose kanë rezultuar në aborte.

Në këtë rast donatorja,një grua 40-vjeçare vdiq si pasojë e gjakderdhjes në tru. Gruaja të cilës iu krye transplanti vuante nga një sindromë e rrallë,e cila prek rreth 4500 gra. Kjo sindromë bën që vagina dhe mitra të mos formohen normalisht. Gjithsesi vezoret e saj ishin në gjendje të mirë.

Gruas pas operacionit i janë dhënë medikamente në mënyrë që trupi i saj të reagonte mirë pas transplantit. Rreth 6 javë pas operacionit ajo filloi të kishte cikël menstrual,ndërsa pas 6 muajve i janë implantuar vezët e fertilizuara në trup.

Ajo pati një shtatzëni normale dhe fëmija erdhi në jetë jo përmes lindjes natyrale,por përmes ndërhyrjes çezariane./Cna.al

 





Lajmet e fundit nga