web counter
LEXO PA REKLAMA!

SHKARKO APP

App Store
Google Play

E fundit!

x

Delegacioni nga Malta/ Ruçi: Bashkëpunimi do fuqizohet më shumë

4 Dhjetor 2018, 13:13, Aktualitet CNA

Kryetari i Kuvendit, Gramoz Ruçi, ka pritur sot në një takim një delegacion parlamentar dhe qeveritar të ardhur nga Malta.

Në krye të delegacionit ishte Deo Debattista, Sekretar Parlamentar i Maltës dhe Përgjegjes për Autoritetin e Konkurrencës dhe Mbrojtjes së Konsumatorit, i shoqëruar edhe me përfaqësues të  institucioneve të tjera të Maltës si Autoriteti Mjekësor, Bordi Kombëtar i Akreditimit, Mbrojtja e të Dhënave Personale si edhe deputetë dhe drejtues e përfaqësues të instucioneve dhe agjencive të tjera qeveritare.

Në fjalën e tij, Ruçi vlerësoi marrëdhënien e Shqipërisë me Maltën, teksa paralajmëroi edhe nënshkrimin e Traktatit të Miqësisë.

?Malta përbën një udhëhartë drejt zhvillimit, integrimit, paqes e stabilitetit. Traktati i Miqësisë ndërmjet Maltës dhe Shqipërisë, i cili pritet të nënshkruhet së shpejti,  do të jetë një konfirmim i këtyre marrëdhënieve të shkëlqyera, si dhe një shprehje e qartë e vullnetit tonë të përbashkët për të promovuar dhe për t?i intensifikuar ato në të ardhmen.?- tha Kryetari i Kuvendit.

Ai nënvizoi se bashkëpunimi ekonomik, si një shtyllë e rëndësishme e marrëdhënieve dypalëshe, duhet të përfshihet në prioritetet e bashkëpunimit të ardhshëm bilateral, për zbatimin me efikasitet të marrëveshjeve dypalëshe.

?Bashkëpunimi ynë me Maltën mund të fuqizohet dhe në fushat e forcimit të konkurrencës  në treg, si parakusht për zhvillimin, shërbime publike eficente dhe të përballueshme nga qytetarët.?- theksoi Ruçi./CNA.al





Lajmet e fundit nga