E fundit!

11:26 Kronika

Trafik droge dhe organizatë kriminale/ Arrestohen në Durrës dy të kërkuarit ndërkombëtarisht

Dy persona të kërkuar ndërkombëtarisht janë arrestuar në D...

Paralajmërimi i frikshëm/ Buxheti i 2019-ës, më keq se piramidat e 97-ës

4 Dhjetor 2018, 11:29, Aktualitet CNA

Për Kreun e Grupit Parlamentar të LSI-së, Petrit Vasilin, projekt-buxheti i vitit 2019 i miratuar dje në Kuvend është i turpshëm.

Në një deklaratë për mediat Vasili nuk kurseu sulmet për qeverinë, teksa u shpreh se po përgatitet për largim dhe shkatërrim të plotë të vendit.

Deputeti i LSI-së fjalimin e tij për buxhetin e shoqëroi me shembuj ?dështimesh? nga shtete si Franca dhe Spanja, ndërsa shtoi se borxhi i vendit do të rritet me 87%, i cili do shkojë në kurriz të familjeve shqiptare.

?Dje Kuvendi i Shqipërisë ka miratuar një buxhet turpi, që ka legjitimuar një grabitje shtetërore të padëgjuar. Shembujt që jepen janë të shumta dhe vijnë nga realitete ekonomike dhe demokratike të konsoliduara që nga Franca, Spanja, ku edhe praktikat kanë qenë njëra më e dështuar se tjetra. Vetëm koncensioni i shkollave rezultoi me probleme të mëdha dhe ishin në rrezik shembje.?-u shpreh ai.

Sipas Vasilit ky buxhet do ta shkatërrojë ekonominë e vendit më keq se piramidat financiare në 1997-në.

?E çojnë borxhin e Shqipërisë me 87%, një borxh që ia thyen këmbët ekonomisë shqiptare. Është preludi i piramidave financiare shumë herë më të rënda sesa atyre të 97-ës.?-deklaroi deputeti i LSI-së.

Me tëj ai theksoi se këto koncesione vetëm kanë dështuar dhe janë duke e rënduar çdo ditë e më shumë buxhetin e familjeve shqiptare.

?Këto konçensione shpesh kanë dështuar dhe kanë mbetur në mes, për njëjtën gjë që shqiptarët duhet të paguanin 1 lek kanë paguar 100 lekë, duke rënduar buxhetin e familjes, duke i bërë shqiptarët edhe më të varfër duke i futur në qorrsokun e mjerimit. Një ekonomi dhe varfëri të tillë pamundësia detyron shqiptarin e shkretë të ndërmarrë të gjitha mjetet e mundshme, ku kryesorja është emigracioni. Ky buxhet sjell shkatërrimin e Shqipërisë dhe largimin e qeveritarëve që veten rregulluan?- mbylli fjalën e tij Vasili./CNA.al