E fundit!

12:20 Kronika

Atentati i 30 qershorit në Korçë/ Arrestohet vëllai i autorit, në pranga dhe i plagosuri

Një nga personat e shpallur në kërkim për plagosjen e shte...

Festat e fundvitit/ Policia e Rinasit ndërmerr masa shtesë

4 Dhjetor 2018, 09:53, Aktualitet CNA

Policia Kufitare e Rinasit vijon punën për përballimin e fluksit të udhëtarëve, rritjen e cilësisë së shërbimit si dhe për parandalimin dhe goditjen e paligjshmërisë, ndërsa ka bnërë me dije se për festat e fundvitit policia do të marrë masa shtesë për përballimin e fluksit.

Policia Kufitare e Rinasit, për muajin Dhjetor 2018, duke pasur parasysh edhe përvojën e viteve të kaluara, por edhe tendencën në rritje të fluksit në hyrje dhe në dalje të qytetarëve dhe turistëve, do shtojë burimet njërëzore me qëllim ofrimin e një shërbimi sa më cilësor, si dhe do bashkëpunojë ngushtë me të gjitha agjencitë e tjera ligjzbatuese për të parandaluar dhe goditur paligjshmërinë?,- shkruhet në deklaratë.

Në njoftimin shpërndarë për mediat, policia bën me dije se ?Gjatë muajit Nëntor, Policia e Rinasit ka evidentuar dhe goditur 66 raste të paligjshmërisë.

Janë arrestuar dhe proceduar 10 persona për përdorim të dokumentave të falsifikuara.

Në drejtim të parandalimit të azilkërkimit, u është refuzuar dalja 207 shtetasve të cilët nuk plotësonin kriteret për të lëvizur në hapësirën Shengen.

Po gjatë muajit Nëntor nga Policia Kufitare janë kapur 9 persona në kërkim për vepra të ndryshme penale për llogari të DVP-ve.

Si dhe janë proceduar penalisht 52 shtetas për kalim të paligjshëm kufiri dhe 1 shtetas është arrestuar për mosdeklarim të hollash në kufi?.

Referuar deklaratës së autopriteteve po gjatë muajit Nëntor kanë hyrë dhe dalë nëpërmjet aeroportit të Rinasit 203694 shtetas shqiptarë dhe të huaj.

Ajo fton qytetarët që përdorin aeroportin e Rinasit për të udhëtuar jashtë vendit apo për të ardhur në Shqipëri që të denoncojnë në numrin pa pagesë 112, në aplikacionin ?Komisariati Digjital?, si dhe në numrin 0800 90 90 çdo parregullësi, çdo vonesë si dhe çdo rast të abuzimit me detyrën nga punonjësit e Policisë, duke ju garantuar një reagim të shpejtë profesional e të paanshëm.